قصيده للحفاه في مزاين الهيلا

[بناخي ابا العلق]

ابدا



بذكـر الله قبـل كــل مخـلـوق
ماخاب مـن هـو طالبـه ويترجـاه
سبع رفعنه على السبـع مـن فـوق
الي خلق للكـون وبعلمـه أحصـاه
يا الشعر طاوعني على كل طـاروق
على الوفاء والطيب نطقـه ومبنـاه
ماكـل مطـرود مقيـم وملـحـوق
مزايـن الهيـلا قضـا ماوصلـنـاه
صار العمل من دون ربعي لنا عوق
وبعد الدير مـن دونهـم ماحسبنـاه
الله يسيرنـا علـى الخيـر بوفـوق
حتى تشوف العين مـن هـو تمنـاه
ربـع لهـم بالعزتاريـخ مـوثـوق
كـل يقـول ونعـم لاقالـو حـفـاه
آلاد حافي تاج للـراس مـن فـوق
محلهم فخـر(ن) لنـا يـوم ننصـاه
سلام منـي عـد مالاحـت بـروق
وعداد مايمطر على الأرض من ماه
على الرجال اللي لهم سلم وطـروق
الضيف لاجاهـم يعجـل لـه قـراه
طيب معه فعل على ساس وعمـوق
ساسه من الجدان من طيـب مجنـاه
اهـل الفعـول بفعلهـم ردو النـوق
بسيوفهـم فـوق المهـار المـغـذاه
رجالهم ماهو على الطيـب مسبـوق
يشـرب لفنجـال الخصـم ويتحـداه
يشهد نطاق بطلعة الشمس بشـروق
ويشهد لهم ريحـان والفعـل سمـاه
نعط الرجال حقوق ونرجـع حقـوق
والخصم لاعاند نحده علـى أقصـاه
بـوارديـه رميـنـا دوم مـوثـوق
شجاعـة والرجـل فعلـه بيمـنـاه
ياعزوتي في مدحكـم كلـش يلـوق
يعجز عـن التعبيـر قافـي ومعنـاه
فعولكم زادت على الوصف وتفـوق
كل الوصوف وكـل شعـر نظمنـاه
من غير قاصروالقبايل لهـا حقـوق
طيـب القبايـل نذكـره ماجحدنـاه
من صادق إحساسي معه نبض معلوق
منـي سـلام والتحـيـات مـهـداه
لألاد حافـي كلهـم سلمـو العـوق
ومن السـلام نقـدم لضيفنـا ازكـاه
يـالاد حافـي جعلكـم دايـم فـوق
في المنزل العالي على العز والجـاه
وختامها صلوا على خيـر مخلـوق
صلوا عليه وسلمـوا عنـد طريـاه



الشاعر/ فواد بن سعد بن خرصان الحافي

[عبدالرحمن الحمد]

حجز ملكي (1)

.
.
.

ولي عوده

[ناصر الحافي]

صح لسان الشاعر فؤاد

يعطيك العافيه

[فهد الحافي]

صح السانك وتسلم على القصيده

[ابن الوطن]

صح لسان الشاعر / فواد سعد الحافي


ويعطيك العافيه يا بناخي ابا العلق

[االوصاااري]

صح لسان الشاعر

ويعطيك العافيه
وتقبل مروري

[رضاالعتيبى]

صح لسانك ومشكور يالغالي

تقبل مروري

[القوة الضاربة]

صح لسان الشاعر

[بعيد المدى]

الله يعطيك العافيه

[الجذع الروقي]

يعطيك العافيه ...