لقيت بالعتبان خمسة عذاريب

[بناخي ابا العلق]

كـــان الـجـنـدي ثــامـر بـــن فــلاح بن شامان الـشـمري

فــي دوره عـسـكريه

مـسـؤولـهـا الــمـقـدم تـريـحـيب الـعـتـيبي .

وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.

وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده

فـــلاح بـــن شـامـان الـشـمري هــذه الـقـصيده:


سـلام منـي للمقـدم تريحيـب@اعداد ما خط القلـم بيـد كتٌـاب


وعداد ما غنوا هل الفطر الشيـب@بأرضٍ خليه ما بها غير الاعشاب


وأعداد ما ذعذع نسيم الهباهيـب@وأعداد ما سجيت رجلي للاقـراب


ما هي غريبه منك يا كاسب الطيب@حلياك من نجـمٍ تبيـن ولاغـاب


شريف ما يدخل على ساسك العيب@من يفعل الحسنا بالاجواد ما خاب


لقيت بالعتبان خمسـة عذاريـب@الطيب والنخوه وتقديـر الاجنـاب


دون الخوي يا طون حر اللواهيب@وان حدت الدنيا يفكون الانشـاب



فـــرد عـلـيـه: تـريـحـيب بـــن سـويـلم الـعـتيبي قـائـلاً:



حي الكتاب اللي من الشمٌري جيب@اقولها بالصـدق مانـي بكـذاب


يا مرحبا عد النجـوم المراقيـب@ترحيب مشتاقٍ ليا شاف الاحبـاب


بكتاب ابن شامان رجل المواجيب@فيه الجواهر بين صايغ وحسـاب


بنيت له بأقصى ضميري دواليـب@هذا الرصيد اللي كنزته وراء الباب


من شأن ثامر يرخصن المطاليـب @خوينا الطيب له الحـق غصـاب


خوينا ننصاب مثلـه ليـا صيـب@نمرض معه ونطيب مثله ليا طاب


يا عل ما يفتق على مثله الجيـب@والله يجيره من صواديف الاسباب

[نايف مطلق بن مصيبيح]

لقيت بالعتبان خمسـة عذاريـب@الطيب والنخوه وتقديـر الاجنـاب


دون الخوي يا طون حر اللواهيب@وان حدت الدنيا يفكون الانشـاب

يستاهلون عتيبه

المدح الهل الفزعات

وبيض الله وجهك

[الأكحل]

بناخي صح لسانهم وتسلم على القصيدة

[ناصر الحافي]

بيض الله وجهك يابناخي ابا العلق على القصه والقصيده

[بناخي ابا العلق]

بيض الله وجيهكم جميعاااا على القراءه وابشرووووووووووو الجديد في الدرب ياعيال عمي




وشكرا مره اخرى

[حافي حائل]

على فكرة نزلت على شكل أغنية وموجودة عندي بعد على كاسيت

[بن كليفيخ الوافي]

صح لسان ترحيب والشمري


ومشكورين علي الموضوع

[البرق الخاطف]

بناخي ابا العلق

يعطيك العافيه

[حافي نجد]

خوينا ننصاب مثلـه ليـا صيـب@نمرض معه ونطيب مثله ليا طاب


لاهنت يابناخي

بيض الله وجهك

[نايف بن مزيد]

صح لسان الجميع........
ومشكور جزيل الشكر.......