[تحذير ] ليلة أول أيام عيد الفطر المبارك آخر موعد لصيد الضبان

[ذعارالتوم]

حددت وزارة الداخلية ليلة أول أيام عيد الفطر المبارك القادم آخر موعد لمهلة صيد الضبان. وأكدت الوزارة حظر الصيد عن طريق عوادم السيارات أو الاغراق مهيبة بالجميع التقيد بذلك مشيرة إلى انه لايجوز صيد الضبان الا بعد الحصول على تراخيص من امارات المناطق ومن يخالف ذلك أو يقوم بالصيد بعد انتهاء المهلة أو يستعمل أدوات غير مرخص باستعمالها يعرض نفسه للعقوبات والغرامات ومصادرة الوسائل والادوات المستعملة.

وشددت الوزارة على أن الربع الخالي يعتبر منطقة محظورة الصيد بجميع انواعه ووسائله، وتحظر وزارة الداخلية صيد جميع أنواع الحيوانات والطيور داخل حدود المدن والقرى ومحميات جزيرة أم القماري، وجرف ريدة، الوعول، ومحازة الصيد وجزر فرسان والطبيق وحرة الحرة، والخنفة ومجامع الهضب وعروق بني معارض والتيسية والجندلية ونفوذ عريق الدسم والجبيل وجبل شدا الاعلى وسجا وأم الرمث.

[البرق الخاطف]

شف الضب في احدى الدول محترمينه !! يوقفون السيارات ليعبر الطريق



مهوب حنا لاشفناه في الخط طردناه حتى فيه ناس يقلبون بالسياره عشانه هههههههههههه

وبعدين بعد العيد الضب ماله طعم لان حلاوته في التسنه

ذعار التوم

يعطيك العافيه

[بن كليفيخ الوافي]

الله يرحمنا برحمته

الضبان السنه ذي مهي زي كل سنه

ماجاها مطر ولاربيع

ذابحها الجوع

والله من صيد القناص فيها

وانا توبه ماااصيدها إلا السنه الجايه ان الله احيانا

واشكر ذعار علي الخبررر

وياليت من الحين يوقفون صيد الضبان لانها راح تنقرض مع الوقت

[ذعارالتوم]

البرق الخاطف

يعطيك العافيه ، بعدين الصوره اللي حاطها

هذه في عمان ومايعرفون الضب!!!!!!!!!!!!!!!!

يحسبونه تمساح صغير ههههههههههههههههههه

[البرق الخاطف]

اما تمساااااح صغير هههههههههههههه


اجل مشينا نبا نقنص الضبان اللي عندهم يابن كليفيخ يقول ذعار انهم مايعرفونها وسمان ولا احد يصيدها يحسبونها فروخ تماسيح

هههههههههههههههههههههه

بس بشرط ذعار يخاوينا

[ناصر بن سعود]

مشكور على الخبر


ولاهنت


شكرا لك

[ذعارالتوم]

ابن كليفيخ

شكرآ لمرورك

[ذعارالتوم]

المشاركة الأصلية كتبت بواسطة البرق الخاطف

اما تمساااااح صغير هههههههههههههه


اجل مشينا نبا نقنص الضبان اللي عندهم يابن كليفيخ يقول ذعار انهم مايعرفونها وسمان ولا احد يصيدها يحسبونها فروخ تماسيح

هههههههههههههههههههههه

بس بشرط ذعار يخاوينا

اتشرف بخوتكم

[ذعارالتوم]

ذيب شعر

تسلم وانا اخوك

[مضادّ حيوي]

ذعار
مشكور على التنويه
وفعلاً الضبّان هالسنه ماهي المطلوبه