طلقة رصاصه والا سلام (ذيب المويه )

[سلطان الحافي]

صباح الخيرات

للجميع

ذيب المويه

كيف الحال

هلا مرحبا والعد ياذيب يرويك = ليا جيت يا رجال حسب النظامي
ولن حصت يارجال موسي يذكيك = خساره تصيبك طلقتٍ من حزامي

[ذيب المويه]

تراني معك بس الجهاز احيان يعلق ونفصل الاتصال

يدوم البقا لك وانت رجال نغليك=رفيع مقامك مثل عالي مقامي
عسى الله من ماصابك اليوم يشفيك=نعلم ولكن مايفيد العلامي

[سلطان الحافي]

ترى الله معطيني وياذيب معطيك = ولانته مخاشرني بماي وطعامي
تحسب الغنيمه كل ماحاشت يديك = ومكسبك ثلثه في يدين الحرامي

[ذيب المويه]

ليا جيتنا من نجد كبرت علابيك = وترمي لكن الرمي من دون رامي
غزيت وكسبت القوم وانت بمفاليك=ولاعاد فالديره قصور وخيامي

[سلطان الحافي]

انا قلت ابا معنا وراحت شرابيك = يجوز الولد يمناه فيها وشامي
حشا ما علي خلاف من بيضة الديك = وانا فالحرم وطوف فوقي حرامي

[ذيب المويه]

تباني بليل اظلم ياسلطان اسريك=وانا خابر انك ماتحب الظلامي
تقوله وانا اقول الك مانيب غاويك=قعودٍ لقانا وسط خشمه عرامي

[سلطان الحافي]

عسى الله على شان امك انه يخليك = مادامك تراعد حين تقراء كلامي
انا خابرك تدري اني اطبخك وشويك = ولاكن تحوص طامعٍ فالسلامي

[ذيب المويه]

عسى الله يبقيك انت من شان اربيك=وحتى تحلم بي بوقت المنامي
اخذ كلمتي بالله عسها تقديك=ذياب الخلا مهيب مثل النعامي

[سلطان الحافي]

تبا تقتضي فاتتك معاد يمديك = نصيبك كراع شعيل وانا السنامي
ترى لبغيت ازهمك بسمك اناديك = اناديك بسمٍ من ( كبار الاسامي )

ذيب المويه


صح لسااااااااانك

ملايين

وبيض الله وجهك على المحراف الطيب

وشرفنا اللعب معك

واعذرنا اذا جاء زله

والى طاروق آخر

والخاتمه عندك

مودتي,,,,,,,

[ذيب المويه]

ههههههههههههههههههه

صح يدنك وماجا منك غير الزين والشرف لي طال عمرك


وستلم

انا ماني بصلعلوك ضمن الصعاليك = ولا اجرح علشان المغفل صيامي
نهاية كلامي جعل ربي يعافيك = تقبل تحياتي وكل احترامي