الزمان الأشهبي

[حامد الروقي]

السلام عليكم ورحمة الله وبركاته


قصيده اتمنى ان تعجبكم

في عمري الحالي وفي عمري قبل سن الفطام = مالوم من حالت صروف الوقت دونه لويبي
ياصل خويه بعد غيبة وقت تايه فالزحام = ولا القطاعه والكبر ماهوب طبع اليعربي
والعذر مادورت عذر الصاحب اللي مايلام = على غيابه في متاهات الزمان الأشهبي
ياسامي الدنيا كذا يوم ن صحو يوم عسام = يبيّن المعدن زمان فيه ذيب يقنبي
واللي تراخا للذيابه راحت عظامه حطام = واصبح بعد ماكان ذيب مع الذيابه ثعلبي
واللي قنب معها وجاوبها هذا الرجل الهمام= ياقف مثل وقفة جمل ويشيل حمل مرعبي
ماخاف غير الله وحده لايضيم ولا يظام = هو كافل ارزاق البشر بالمشرق او فا لمغربي
توجه الى الله بالدعوات في شهر الصيام = والله كريم بتالي الليل لسمانا يقربي
ويجيب دعوة من دعاه وبعض خلق الله نيام = هذا الاكيد اللي ورد معناه في قول النبي
وافضل صلوات وسلام الله على خير الأنام= محمد الهادي النذير الهاشمي اليعربي

تحياتي .

[ناصر بن سعود]

ابداع ياحامد الروقي


كلمات رائعة بالفعل

صح لسانك وعلى شانك يالحصان

بانتظار جديدك فلاتبخل علينا

دمت بود

[الذيب]

صــح لسانك ياحامد.

[حامد الروقي]

حيا الله الذيابه

ذيب الشعر

والذيب


يشرفني مروركم

يقول حامد / قصيد مانكسب من وراه اجر مانباه ولا حنا معلمين به احد


تحياتي .

[بن كليفيخ الوافي]

صح لساااااااااااانك ياحامد

وبيض الله وجهك

قصيده منتازه


اخووك
بن كليفيخ

[الروقي]

صح لسانك واللة يعطيك العافية

[حامد الروقي]

صحة ابدانكم جميع الله لايهينكم

شاكر لكم المرور الكريم


تحياتي

[[.. البدر ..]]

واللي تراخا للذيابه راحـت عظامـه حطـام
واصبح بعد ماكان ذيب مـع الذيابـه ثعلبـي

الشاعر / حامد الروقي

ماقرأت هنا الا / شعر

جزل جزل

صح الله لسانك

[فهد مزيد الحافي]

صح السانك......... وجميل جدا......... تحياتي

وتقــــــــــــــــــــــــــــــــــديري

[سلمان عزيز]

اخوي حامد قصيده جزله تدل بالفعل على حنكة شاعرها من السبك والحبك لاكن اتمنا لوبديتها باالعذرمادورت عذرالصاحب الي مايلام (وجهة نظر) اخوك سلمان