محاورات منوعه ( من خارج الشبكه )

[سلطان الحافي]

بسم الله الرحمن الرحيم


حياكم الله اعضاء وزوار شبكة الحفاه

اطرح بين ايديكم

عددٍ من المحاوراة لشعراء منتدانا في المواقع الاخرى

ونبدا


..... ( 1 ) .....

بالمحاوره الاولى

والتي جرت بين

الشاعر : سلطان الحافي

والشاعر : ابو عماد المطيري

سلطان الحافي

مرحبا يالمطيري عد ماهب نـود=مرحبـا قلتهـا وزيدهـا بربعـه
قمت عن ربعي عتيبه وذك القعود=ولي قسمي وقسمك ياعميل اقطعه

ابو عماد المطيري

البقا من هجوسا بالمحبه تزود= تتجه للرجال اهل الوفا مسرعه
في محلك تقوم ولا تعدا الحدود= والثمينه ليا جات العرب مقنعه

سلطان الحافي

ابنشوف الصوادر وبنشوف الورود = والدلو حولت فالبير ومقرقعه
ياقفون النشاما مثل جمع الاسود = ومن نواهم بنيه ما لقا مطمعه

ابو عماد المطيري

كل ماتثقل الحمله تبين الجهود = والمحضض جهوده باللقاء تطلعه
اعرف اني لخلق الله ماني جحود = اعطي الخصم مردود ه بعد مأسمعه

سلطان الحافي

لا بغينا الحقيقه ماندور شهود = امسكو حدكم يامطير فالمجمعه
يرحم الله رجالٍ كفنو فالحود = فعلهم فالفراوي اذهل المرضعه

ابو عماد المطيري

انت مابين ساجر عايشاً والنفود = منت عارف مصب النهر من منبعه
احفر الحفره اللي وسطها لك وجود = خل عنك الوهوم اللي بلا منفعه

سلطان الحافي

شعب ريحان جاله جلجله بالجلود = يوم ذيب الفلا من ربعكم نشبعه
محتمين الديار وارثين العنود = يوم بعض العرب يغرق حجر مدمعه

ابو عماد المطيري

انت وشلون تبني بيت ماله عمود = ناسي البارق اللي من يدك نشلعه
منت ذاخر لكن الحبل فوق العضود = كل ما قمت تلقاء ضربتاً موجعه

سلطان الحافي

راكزين العمود وفارثين الكبود = وبك حنا عتيبه سم داب ابلعه
مبعدين الهقاوي خصمنا مايسود = من نوانا نضده ضد ونبرقعه

ابو عماد المطيري

نعم فيكم لكن مطير ترقا سنود = صاقعه من سما عليك بالمفجعه
انت راع الحزام اللي بليا بنود = كل ماشاف حمرا مطير لاذ اسنعه

سلطان الحافي

النجوم بسماكم والكريم معبود = والصواعق تكهرب فارضكم موجعه
والوثايق طبيعه لاجحدها الجحود = عادتك ماتكب الزور والمعمعه

ابو عماد المطيري

ولعي ياشراره واقدحي يازنود = والسعه عن طواريق الشرور السعه
الصحيحه سندنا ياعريب الجدود = سجلت بالقلم والحبر والمطبعه

..... ( 2 ) .....

بين كل من

الشاعر : سلطان الحافي

الشاعر : معجب العطاوي العتيبي

سلطان الحافي

ابتدا الطاروق يامعجب وكلن في مداره = وانتبه ياصاحبي للارض قوه جاذبيه
بينا الميدان والاول على رقم الصداره = شد حيلك يالعتيبي ثبت شداد المطيه

معجب العتيبي

كل طير يطير يالحافي ويرجع في دياره=لو تجاهلت السلام ولو تجاهلت التحيه
انتهى الموضوع والترتيب قد جانا قراره=صرت انا الاول وابا قدملك الثاني هديه

سلطان الحافي

اثر معجب ياعتيبه يونس بكبده حراره = في زمان العولمه مدري زمان الجاهليه
كان جيت المركز الاول نبا دفع استماره = لاتعجل والمنايا جايتك في مزهريه

معجب العتيبي

اشفق بقلبي ليا شفت الغشيم يشب ناره=خص لامن صار من ربعي وانا عندي حميه
المرور السري اللي واقفٍ جنب الاشاره=وده يحرر قسيمه مالقا ذنب وخطيه

سلطان الحافي

ثوبك اللي لابسه بالله من ركب زراره = ابلشك معنا ويمكن تلعنه كل ضحويه
سود الله شاربٍ ماقام ثم رد اعتباره = يوم راع التاليه لاشافنا تقصر يديه

معجب العتيبي

ثوب عز وثوب علم وثوب تعليم ووقاره=مايهم ان كان جبته غصب والا جا هديه
ماتضيع حقوقنا ونعيش في عز ونعاره=يوم بعض الناس هل الدمع في صبح وعشيه

سلطان الحافي

ما علي من العقارب دستها تحت الجحاره = ولا نبا منكم حصاه ولا نبا منكم عطيه
العلم مرفوع لاكن مستشكن في شعاره = الهوي داره يسار وصار مجهول الهويه

معجب العتيبي

الله اكبر ياجماعه شوفوا حروف العباره=صاحبي تحت الثرا يدخل ويذبحله بليه
لاتلف عيونك مع الريح وتصيبك عواره=دامك تراقب علمنا من نحيه في نحيه

سلطان الحافي

الله اكبر ياجماعه خاط للدعوى ستاره = مادرى انا نعرف النفس الفقيره والغنيه
الجمل لاناخ يا معجب يحول فوق زاره = لا تعجب كان قلنا معجب بعينه شويه

معجب العتيبي

يقتل المقتول ويعوّد يطالبني بثاره=الله اكبر ياجماعه نية الرجال نيه
كان تبغاها سوالف يالعتيبي واستثاره=يمكن الموضوع مايعجبك لاطوّل شويه

سلطان الحافي

امنية معجب ياتاجر مع هوامير التجاره = مار اعرفه راس ماله عنزتين وبربريه
الله اكبر من زماني كثرو اطفال الحجاره =واين نلقا الشيخ يالعتبان حلال القضيه

معجب العتيبي

معجب ليامن مشى درب ماغير مساره=لين ينجز ماتمنى بالغصب والا رضيه
الله اكبر والمناضل كيف غيّر في شعاره=علها خيره مدام انه يبا الشغله كذيه

..... ( 3 ) .....

بين كل من

الشاعر : خالد الحافي

والشاعر : خالد العصيمي

خالد الحافي

سلامي سلامن فيه حشمه وتقدير = على الطيب وأهل الطيب وأبليس مدحور
والا مرحبا والليل يالله عسا خير = نبا نسري الليله إالى طلعت النور

خالد العصيمي

يدوم البقا والطيب سلـم المناعيـر = ورجل(ن) يعد الطيب مثني ومشكور
توكل على الله وارتفع فوق ياطيـر = ولا تصبح الا في محيطات وبحِـور

خالد الحافي

هلا يالعصمـي واليالـي دواويـر = وانا خابرك ياشيخ بالطيب مذكـور
وانا بنشدك وابغا جوابك بتصويـر = عن اللي يطب البحر من غير بابور

خالد العصيمي

تدور الليالي وانت لاتخلف السيـر = وكلن لرب الكون منهي ومامـور
كما الي يبا الماء مير مايلحق البير = هذا رد علمك من حكيم(ن) ودكتور

خالد الحافي

انا اشوف لي قومن بوسط الطوابيـر = ليا جات ضاق الصدر لو كنت مسرور
وكانك طبيب وشغلتـك بـس تخديـر = ترى منت بحبيب ولا أنتـه بمستـور

خالد العصيمي

لياشفت او ماشفت من ينطـح النيـر = ياكم واحد (ن) عود من الضيم مقهور
هذي مهنتك ماهيب من مهنت الزيـر = ولنته بمن قال (الورق عش عصفور)

خالد الحافي

تقوله ولا به هرج من دون تفكير = ولا أنته على الغبات ياذيب مجبور
وكلن وله مارد ومن عقب تصدير = تزين العلوم وقاعد الحظ مقهور

خالد العصيمي

أقوله واوكد هرجتي دون تمريـر = ولاكن من يشره على رجل مقبور
قطفت البراعم من هذيك النواوير = وبغض الاوادم كلبو زرعه يبور

خالد الحافي

افسر علومك مار مافيـه تفسيـر = ومقهور ياناصر ومردود منصـور
وكانك مزارع طار بالزرع معصير = وهمك بوسط القلب لاكن ماجـور

خالد العصيمي

ترى ما طلبنا منك تفسيرهـا ميـر = هذي حجة الي للعلا مالـه احضـور
هزيله وهرج الهزل من واحد اصغير = وأضنك تجيب أكبر ولك حض موفور

خالد الحافي

نبا الطيب جينا عنـد نفاخـة الكيـر = وانا لاحضرت احضر بشلفا وساطور
تراك العصيمي تمسك الدرب وتسير = وكويتك بالمشهاب من نـار دافـور

خالد العصيمي

تبا الطيب مار انك شقحت المواصير = يومنه على أهل العز والطيب منحور
تدور الرحى والحب في وسطها دير = وهاذي نهايتها عقـب كانـت أذور

هذا ما ستطعت حصره

وجاري البحث لمحاورات

اخرى

انتظروها قريباً


ولكم فائق

مودتي,,,,

[ناصر بن سعود]

يعطيك العافية ياسلطان


وصح لسانك انت والشعار اللي معك

وبانتظار القادم


لاهنت

[ابن مجلبه]

الله يعطيك العافية ياسلطان وصح لسانك انت والشعراء الاخرين
وبانتظار بقية المحاورات
تقبل تخيتي

[سلطان الحافي]

ذيب شعر


هلا وغلا

شرفتنا يالذيب

لاعدمتك

مودتي,,,,

[سلطان الحافي]

ابن مجلبه


هلا وغلا

نورة الصفحه

وصح بدنك يالقرم

مودتي,,,,

[مــاجــد الحافــــي]

يعطيك العافيه

ياسلطان

صح لسانك أنت والشعراء

تحياتي لك

[بن كليفيخ الوافي]

سلطان
بيض الله وجهك
انشهد انك ماقصرت

صح لسانك ولسان الشعار للي معك بالمحاوره


تقبل مروري
بن كليفيخ الوافي

[سلطان الحافي]

ماجد الحافي

ارحب


صح بدنك

ونورة المتصفح وشرفنا مرورك


مودتي,,,,,,,,,,

[سلطان الحافي]

ابن كليفيخ


هلا وغلا

وجهك ابيض

وشرفتنا وصح بدنك

مودتي,,,,,