البدايه والنهايه

[فواز علي الروقي]

البدايه والنهايه
الوجيه السود تبقى فالبدايه والنــــــــــهايه
……..دايمٍ ورى الدنايا يمتــــرون المتــــــر كله
دانيه ورى الـــدنيــــــه لامكان ولاولايــه
……..ولايسرون الجليس بقول زيــن وكظم زله
عايشه تحت المهونه من حكايه في حكايه
…….والشنيعه والرديه دربها دايـــــــــــم تـــدله
كلبـــــــوهم فالرذيله ينظمون إلها الروايه
……..والاصيله والجــــزيله حلها من دون حله
من حكايه في روايـــه وكملوها بالوشايه
……..نعنبوها من رجال ذكـــــرها بالخيـر قـله
ماتعــــد إبها المـــــروه والتوخي للـوقايه
……..والسعــــــد منها يموت وكل مستور تفله
ولاتفيـــدك بالرمايه في نهار جاء رمايه
……..وسيفها المـــدفون يبقى في ترابه ماتسله
وماتسرك فالمعارك بالسيوف وبالسقايه
……..ولاتساوي عنـــــد مثلي فاللوازم قدر بله
لاعزاوي ولاحميه ولاوجـــد فيها جدايه
……..دايـــــــم قل الرجاء بوجيهها تشوف دله
ياعساني ياعساهــم ياعساهـــم ياعسايه
……..ياعساهــــــــم بالدمار اللي يدمر ماتحله
مايعزون الرفيــق وشوهوا اسم السمايه
…….والســــوايا بالاسامي مجعلت شيٍ محله
دايم اهل الرذيله من اهل اهل الغـــــوايه
……..من طواغيت البشر والشر باسطتٍ لزله
فالها رمل التراب ونمدح ارجال الحمايه
…….الرجال اللي عــــــــدو احزامها دايم تذله
من عملها عكس ذلك ماتسمى بالسـوايه
…….فرقها بالحيــل واضح وكل مستورٍ تفله
من تخسي للمعادي ولاذكروها بالخسايه
…….من تنومس واحـــــد مثلي وغازيها تغله
والوجيه البيض تبقى ماتــدرت بالدرايه
……..تاجها تاج الشرف والعــــز تاجٍ ماتمله
فاللوازم لك يمين ماتمـــــــدح بالدعايه
……..والــــــــدعايه مادعتها تعتلي بيتٍ وفله
ولو نضمنا ماوصلنا للنـــــهايه يالبدايه
……لاكن الهاجوس سجل هاجسٍ باللي حصله

الشاعر :
فواز بن علي بن سريع الروقي [/size]

[منـــــــوه]

صح بووووووووووووووحك ولاهنت يا فواااز على هالقصيده الزينه

شااعر تخزي العين




تقبل مرور وخيتــــــــــــــك

[فواز علي الروقي]

المشاركة الأصلية كتبت بواسطة منـــــــوه

صح بووووووووووووووحك ولاهنت يا فواااز على هالقصيده الزينه

شااعر تخزي العين




تقبل مرور وخيتــــــــــــــك

اختي الغاليه منوه كيف حالك عساك بخير
يشرفني اان اكون اخا لك وللاعضا واصحاب المنتدى
سرني حضورك وصح بدنك اختي الغاليه
وعساك على القوه
والله لايهينك تحياتي لك

[مضادّ حيوي]

صحّ لسانك ياغالي

[ناصر بن سعود]

ياهلا وغلا بفواز

الله يحييك بمنتداك يالغالي

نور المنتدي بحضورك

نتمنى ان تفيد وتستفيد معنا

فأهلا وسهلا

وصح لسانك على هذه القصيدة الجزلة

بانتظار جديدك

تحيتي

[فواز علي الروقي]

المشاركة الأصلية كتبت بواسطة مضادّ حيوي

صحّ لسانك ياغالي

مضاد حيوي
صح بدنك نورت الصفحه بحضورك والله لايهينك يالغالي
وبيض الله وجهك على هالطله الرااااااااائعه بل اكثر من راااااائعه
لاهنت يالغالي
يشرفني الانضمام لكم
تحياتي لك

[فواز علي الروقي]

المشاركة الأصلية كتبت بواسطة ذيب شعر

ياهلا وغلا بفواز

الله يحييك بمنتداك يالغالي

نور المنتدي بحضورك

نتمنى ان تفيد وتستفيد معنا

فأهلا وسهلا

وصح لسانك على هذه القصيدة الجزلة

بانتظار جديدك

تحيتي

الله لايهينك يالغالي والله الانضمام لكم عز وشرف
بيض الله وجهك على الحفواه والكلام الراااائع الذي قلته
والمنتدى منور باهله
والله يجمعنا على طاعته وعلى الكلمه الطيبه
وصح بدنك شرفني حضورك
والله يعطيك العافيه و الصحه
تقبل مني التحيه والاحترام

[ذيب المويه]

صح لسانوووووووووو قصيدة شاعر متمكن


مار من بكره اشوفك في قسم المحاوره ماصدع روسنا غار النظم ياسنايدي

[الذيب]

صــــــح لسانك.

[سعود الحـافي]

والوجيه البيض تبقى ماتــدرت بالدرايه
……..تاجها تاج الشرف والعــــز تاجٍ ماتمله
فاللوازم لك يمين ماتمـــــــدح بالدعايه
……..والــــــــدعايه مادعتها تعتلي بيتٍ وفله

صح لسانك يافواز وعسانا وإياكم من أهل الوجيه البيض