سلطان الهاجري

[ابن طويق]

ياغبيش ابن خليل سلم علي عمير
بلغ سلامي لبن عمي وقله
المعذرة لو ماتفيد المعاذير
عن موقفاً اكبر من العذر كله
مير الظروف الطاريه يامناعير
ماهي علي كيف المخاليق لله
حركت من الافلاج حزت عشاءالطير
عقب العصر يوم الشجر مال ظله
وقبل العشاء متعدياً حوطه سدير
ورن جوالي وبسرعه وشله
(الو نعم سلام مسيت بالخير )
( ولياه صوتاً جعلني فدوه له)
قالت وهي فيها من الحزن تاثير
خالك منوم في محلاً ممله
ولا انتبهت اللي وانا عاكس السير
كني اعمى والا العقل فيه خله
هذا يعذرني من غبيش واعمير
اثبته وواثقه بالاادله
سلام ياراعي النياق المغاتير
اللي عشق له مركزا و استحله
كانه على الجبهه يقود الطوابير
في نحور حكام وقوماً مهله
اثقل على البيدامن طويق ونير
صفق الهوا مازحزحه عن محله
وحنا اذا هبت عجاج ومعاصير
نجي من اقصانا برمح وسله
كل ابلج يونس براسه سعاطير
موت العزيز ولا حياة المذله
مثل السحاب اللي قنوفه مزابير
أما نعقد الحبل ولا نحله
انورد الضامي علي جمه البير
ونخلي سروج مهاوزات الاظله
(((ميقافنا واحد علي الشر والخير )))
(((يطلق علينا دوله مستقله)))
دوله مضيم مسطرين الاساطير
في معظم التاريخ دقه وجله
مركاضنا يشبع به الذيب والطير
وينصر بنا من حطنا محزماً له
وليا بطشنا بالسيوف البواتير
نبطش ولا نبطش علي غير مله

[نايف مطلق بن مصيبيح]

المعذرة لو ماتفيد المعاذير
عن موقفاً اكبر من العذر كله
مير الظروف الطاريه يامناعير
ماهي علي كيف المخاليق لله


مشكور ولك تحياتي