المــرجـــلــــة

[نايف بن مزيد]

بسم الله الرحمن الرحيم

السلام عليكم ورحمة الله وبركاته



إذا المراجل لبسة شمـاغ وعقـال
قـل للعـذارى يلبسـن العمـايـم

ماعاد يفرق زول حرمـه ورجـال
دام الفعايل تشبـه البعـض دايـم

المرجلـه ماهيـب كلمـة وتنقـال
وتروح ماراحـت هبـوب النسايـم

وإلا خشونة صوت أو رفع الأثقـال
أو رزة صـدور وفعـل الـزلايـم

ولاهي بعد مفتـاح موتـر وجـوال
وإلا ردى لسانـن حديثـه شتايـم

المرجله شيمه عن القيـل والقـال
رفيع نفـس و حـر بالجـو حايـم

المرجله عقـل وزن وزنـة جبـال
ودون العقل وش فرقنـا والبهايـم


يامسندي لو مايل الوقت بـي مـال
ياولـد أبويـه ياعظيـم العـزايـم

يامعرّب الجدين من العـم والخـال
يانخوة المفـزوع وقـت الهزايـم

المرجله ياخوي هي طولـة البـال
هي العزم هـي الصبـر فالظلايـم

فيها الكـرم عـزه دلـه وفنجـال
فيها الكرامة عن ردى الطبع شايـم


والدين لامنه خـذا القلـب منـزال
مشى طريق الحق وابليـس نايـم

ومن لاعرف ربه في طيب الحـال
لابد وقـت الضيـق بالهـم هايـم


حتى صلاتك مع جماعات ورجـال
في خيرهـا ياخـوي نعـم الغنايـم


ولامن نصف ليلك قم صفي البـال
ياعظم أجرك بيـن ساجـد وقايـم

ولامن رفع ربي له كـل الأعمـال
حسن الذكر لاقالـوا فـلان صايـم


وخلك شريف القصد ياطيب الفـال
سوء المقاصـد فالبيـوت الهدايـم


واحذر تبيع النفس في درب الأنذال
وتتبع خوي إبليـس راع النمايـم


النفس خيل لـك إذا كنـت خيـال
ومن لاقوى نفسه قوتـه الهزايـم

ولا صرت ماتدري لويش أنت رجال
والله خسارة فيـك ذبـح التمايـم

دمتم بخير

[دلع نجديه]

القناص

[الملفي]

صح لسانك يا ابو مزيد

المرجله ياخوي هي طولـة البـال
هي العزم هـي الصبـر فالظلايـم

صدقت


تحياتي

[بن كليفيخ الوافي]

صح لسانك يالقناص


تقبل مروري

[نايف بن مزيد]

المشاركة الأصلية كتبت بواسطة الملفي

صح لسانك يا ابو مزيد

المرجله ياخوي هي طولـة البـال
هي العزم هـي الصبـر فالظلايـم

صدقت


تحياتي

المشاركة الأصلية كتبت بواسطة دلع نجديه

القناص

الجميع مشكورين على المرور العطر..............

[نايف بن مزيد]

المشاركة الأصلية كتبت بواسطة بن كليفيخ الوافي

صح لسانك يالقناص


تقبل مروري

بن كليفيخ............
ياهلا ومسهلا ........
اسعدني مرورك...........

[ناصر بن سعود]

ولا صرت ماتدري لويش أنت رجال
والله خسارة فيـك ذبـح التمايـم

صح لسانك وعلى شانك

وبانتظار القادم يالقناص لاتبخل علينا

شكرا لك

[الروقي]

صح لسانك ومشكور ويعطيك العافية

[نايف بن مزيد]

المشاركة الأصلية كتبت بواسطة ذيب شعر

ولا صرت ماتدري لويش أنت رجال
والله خسارة فيـك ذبـح التمايـم

صح لسانك وعلى شانك

وبانتظار القادم يالقناص لاتبخل علينا

شكرا لك

ذيب شعر.............
ياهلا ومرحبا يالغالي.........
اسعدني مرورك

المشاركة الأصلية كتبت بواسطة الروقي

صح لسانك ومشكور ويعطيك العافية

صح بدنك...........
والله يعافيك.............

[ابن مسهر]

الله لايهيينك اخوي القناص

ومشكور وبارك الله فيك