اترك فناجيلي

[عبدالرحمن الحمد]

	00 اترك فناجيلي 00 بمناسبة قدوم شهر رمضان المبارك أقول لكم كل عام وأنتم بخير وتقبل الله منا ومنكم صالح الأعمال قصيده خرجت كما هي لا تحسب إني واحدٍ مـن عيالـك = أصلاً ترانـي أعتبرهـا فشيلـه أمد لك يمنـاي وإنتـه شمالـك = فعلك كما فعل العقـول الهبيلـه اتلومني يومـك توجـه سؤالـك = عطني براهيـن ووثايـق دليلـه أثني لك الركبه وأجلـس قبالـك = إن كان عندك للمناقـش وسيلـه وإن كان ذاك الفعل هو راس مالك = فبشر بعدها بالسيوف الصقيلـه لو كان تزعجني وأنا في مجالـك = ماني مراعي يالقلـوب العليلـه سو ماتبي واللي يـدور بخيالـك = ماهمني الثعلب ليـا هـز ذيلـه دامك كذا لا تحسب اللي بقى لـك = اللي بقى لك صاع من ألف كيلـه تبي الحقيقه والحقيقه في بالـك = منت الزميل اللي ينومس زميلـه يعنـي تزعلنـي أدور بـدالـك = حتى لو إن دمي ودمـك فصيلـه أخاصمك بالقاف / وقطع حبالـك = أكويك بالجزله / وخلي الهزيلـه قافي بحر لو كان يلطـم بجالـك = مالك على موج البحر أي حيلـه مالك ومالك . ثم . مالك ومالـك = مالك ومال أهل النفوس النبيلـه ولو كان يقبس نارها من هبالـك = الفام لو يبـرك تـرى ماتشيلـه ولو كان تنخاني وترمي عقالـك = لركب على ظهر السبوق الأصيله لا هبت الحاية جنـوب وشمالـك = يوم إن بعض الناس تجفل جفيله لسـل سيفـي واتجـه وعنالـك = وحـل لجلـك عقـدٍ مستحيلـه هذا يوم إني كنت أدور وصالـك = واليوم قدرك من خفوقي بزيلـه اترك فناجيلي / وأعـزّل دلالـك = وخـل العلاقـه بيننـا بالقبيلـه

[الوليد الحافي]

عبدالرحمن مبدع في كل حالاتك

فهمت القصيده ومضمونها

والله يسامحه

[عبدالرحمن الحمد]

المشاركة الأصلية كتبت بواسطة الوليد الحافي

عبدالرحمن مبدع في كل حالاتك

فهمت القصيده ومضمونها

والله يسامحه

ارحب يا الذيب
اشكرك على هذا المرور
تقبل مني خالص الشكر والتقدير
احترامي وتقديري

[سلطان الحافي]

اترك فناجيلي / وأعـزّل دلالـك
وخـل العلاقـه بيننـا بالقبيلـه


مبدع يا عبدالرحمن


صح لسانك واعتلا شانك

رائعه من روائعك الفذه

لا عدمناك

مودتي,,,

[الروقي]

صح لساتك
ولاهنت

[فواز علي الروقي]

صح لساااانك لاهنت
قصيده جزله تقبل تحياتي

[عبدالرحمن الحمد]

المشاركة الأصلية كتبت بواسطة سلطان الحافي

اترك فناجيلي / وأعـزّل دلالـك
وخـل العلاقـه بيننـا بالقبيلـه


مبدع يا عبدالرحمن


صح لسانك واعتلا شانك

رائعه من روائعك الفذه

لا عدمناك

مودتي,,,

صح بدنك يابعدي
اشكرك على مرورك الكريم
تقبل مني خالص الشكر والتقدير
احترامي وتقديري لشخصك

[عبدالرحمن الحمد]

المشاركة الأصلية كتبت بواسطة الروقي

صح لساتك
ولاهنت

صح بدنك
مشكور على مرورك

[عبدالرحمن الحمد]

المشاركة الأصلية كتبت بواسطة فواز علي الروقي

صح لساااانك لاهنت
قصيده جزله تقبل تحياتي

ارحب يافواز صح بدنك
اشكرك على مرورك

[hafi511]

صح الله لسانك

قصيده رائعه

تحيااااااااااااااااااااااااااااااااااااااااااااااا ااااااااااااااااااااتي