دمع الحزين

[بدر الحافي]

	بسم الله الرحمن الرحيم اخواني هذه قصيدة ارثي بها احد ابناء عمومتي(ضيف الله بن نايف بن مجلبة) ومن اقرب الناس لي وقد وافته المنية اثر حادث مروري في التاسع عشر من رمضان عام 1427 وارجو من من يقرأ هذه الصفحة ان يدعوا له بالرحمة واخواننا المسلمين ولا يادمع يادمع الحزين اسبوع ما كفيت=سقيت الوادي المسني سحاب الصيف من عيني عليك الله وش باقي بعد ما صحت ثم ونيت=لحالي مامعي حي, من اصحابي يواسيني عليك الله وش باقي من اللوعات والتنهيت=عليك الله كف وما حصل فالوقت يكفيني كفاني مادهاني في ولد عمي رفيع الصيت=ابن عمي واخوي ومحزم الشدات ويميني ذراعي درعي الضافي عويني وين مالقيت=ذراي ومسندي لاشتدت الايام يشفيني قضى نحبه وانا همي يفتت ضامري تفتيت=على فرقاه كان القلب يطعن بالسكاكيني وكبدي كان فيها موقد,بالقاز والكبريت=وحالي مايسر وغير الناس المواليني بكوه وكل من سمع الخبر جاوب بكا ونهيت=من اصحابه ومن ربعه ومن كل المحبيني اخذه الموت في ساعة موقتها الولي توقيت=على تالي رمضان اجله سنة سبعة وعشريني بعد صلى التراويح ودعا ربه حسب ماوحيت=عساها في نهار الحشر ترجح بالموازيني على الخط القديم الي لقوا فيه السنافي ميت=الا لاعاده الله من طريق, بين ضلعيني عسى له في جنان الخلد يارب الخلايق بيت=مع الي في سبيل الله مجاهد والمصليني

[ناصر بن سعود]

الله يرحمه ويسكنه فسيح جناته

وصح لسانك

يعطيك العافية

تحيتي

[بدر الحافي]

بارك الله فيك يالذيب ويشرفني مرورك

[منـــــــوه]

رحم الله ميتكم وعسى الله يسكنه فسيح جناته ويغفر له ويصّبر اهله

مرثيتك يا بدر راااائعه من الرواااااائع صح لسااااانك عليها ولا هنت

تقبل مرور وخيتـــــــــــــــك

[بدر الحافي]

منوه الله يرعاك
يسرني تواجدك كثيرا

[>الوافي<]

السلام عليكم ورحمة الله وبركاته

الاخ بدر


صح لسانك على هذه المرثية المؤثرة

الله يرحمه ويسكنه فسيح جناته ويصبر أهله

[مــاجــد الحافــــي]

بــــــــــــدر

أنا أشـــــــــــــــــــــهـــــــــــــــد أنه

فـــــــــــقــــــــــــيـــــــــــــــــــده

والله يرحمه ويسكنه فسيح جناته

صح لسانك وبيض الله وجهك

تحياتي..لك..يالغالـــي

[ابن وافي]

أسكنه الله فسيح جناته


بدر


صح لسانك يالغالي

[بدر الحافي]

الاخ /الوافي لي الشرف في اطلاعك على قصائدي وهذا اكبر وسام يابو وافي والله يرعاك
ماجد /الله يرحمه والله يمدك بالعمر والعمل الصالح
ابن وافي / الله يجزاك خير















0

[ذيب المويه]

الله يرحم موتانى وموتاكم وموتى المسلمين

وصح لسانووو والله لايهينك وتقبل تحياتي