دماغ الوليد

[سلطان الحافي]

السلام عليكم ورحمة الله وبركاته


مساء الخير


الوليد اقريب

الليله الملعبه يازينها تطبخ دماغ الوليد = وليا طبخ من بخاره تزهب الدله وفجالها
جبت الوثايق وجاك العلم فالميدان واخذه اكيد = دلوك تدلى وظامي يابن خالد طول حبالها

[بدر الحافي]

كلام كلام
صح لسانك

[سلطان الحافي]

ارحب

يابدر

صح بدنك

وشرفتنا

مودتي,,,

[الوليد الحافي]

ياهل الوفاء والكرم والطيب من يسمع غشيمن بليد=الناس ماعاد تسلم من عداويها وعذالها
حضر شهودك وانا موجود والقاضي يبا مايريد=حط إلك معدال يارجال والعالم بمعدالها

[نايف مطلق بن مصيبيح]

بيض الله وجيهكم

وصح الله السنتكم

متابعين لكم

[ناصر بن سعود]

صح لسانك ياسلطان انت والوليد

واصلوا متابعين

الله لايهينكم

[سلطان الحافي]

اصغر علامه تبا تظهر ليا حطوك فينا عقيد = لا تبتلش روحك بحمله وظهرك صعب يقوالها
والله لا لومك ليا شفتك تعصى لك بعود الجريد = قيامتي قايمه والله لتذهل فوقك اهوالها

[سلطان الحافي]

ابو راكان

هلا وغلا

شرفتنا يالسنافي

ونورة المتصفح

مودتي,,,

[سلطان الحافي]

ذيب شعر

مرحبا مليون

صح بدنك

والله لايهينك

عطرة المتصفح يالذيب

مودتي,,,

[الوليد الحافي]

انا عقيد المعارك صيرمي ماني عقيد البليد=اذهن ترا القلاله الليله تعود فوق رجالها
ياشيخ ماني سوات اللي تعكز عاضد أله عضيد=قيامتك يالعتيبي فوق راسك بادي هلالها