ابتصل بك

[عبدالرحمن الحمد]

	00 ابتصل بك 00 لاصار أعز الناس بالعيد زعلان = وشلون ابفرح يالوجيه المسافير اما نقفل ع الشقا سبع بيبان = وإلا بنفتح للدروب المعاسير حسبي على اللي رد مدعوج الأعيان = عني ويرمي في طريقي مسامير يرمي وأنا قدّمه تقل صرت نيشان = مثل الحباري لا تعشابها الطير اللي يولع بين الأحباب دخان = جعله على درب العنا والمخاسير مثله يتوب ولا يجازا بغفران = لجله حرام انجازي الشر بالخير حاول يفرق بيننا قدر الإمكان = حسبي على اللي غيّر الوضع تغيير قلبك يصدق قول عاذل وخوان = يومه حكى عني بكذبٍ وتزوير كل ماسمعته منه مدروس بتقان = حيثك تشوف الطيب زله وتقصير مهما حصل تبقى على القلب سلطان = ثابت ولا يطرحك عج المعاصير خايل خفوقي بس لا صار مليان = في وقتها تلقى همومي طوابير انثر لي اهمومك ترى القلب ميدان = كل مايجيني منك له كل تقدير عن شيلهم بالحيل ماني بعجزان = اضيوف عندي واعتبرهم مسايير يعني أقابلهم على طول بحسان = مير استرح عندي لهم حسن تدبير تدري أنا أحبك ولا أبيك وجعان = خل المهند في يدين المغاوير بواجه اهمومك ولاني بخسران = واجيبهم قدام رجلك مثابير آمر ولو تطلب من الورد بستان = ابشر وكل ماتطلبه يالغلا يصير أِخذ عيوني ومعهم القلب مجان = وفضفض لهم لا صار بالجو تعكير دامك منى قلبي وللحب عنوان = ومعك المحبة يالغلا طعمها غير بقطف من ازهار الغلا عدة ألوان = وبجيبها لك وعتبرها تعابير تاقف خيامي بس من دون عمدان = لجلك ترى تاقف معزة وتقدير يلي لك بقلبي جواهر ومرجان = قلبك نقي وابيض بياض الطباشير ليتك تعرف إني من البعد تعبان = بعدك ترى أثر على القلب تأثير وليتك تعرف إني على الصوت ولهان = خطرٍ أموت إليا حصل منك تأخير ابتصل بك بس لا تقول غلطان = وتسل في وجهي سيوفٍ بواتير ماقلت أنا أحبك وأغليك من شان = افرض عليك الحب وقت المعاسير اما تجي برضاك ونصير خلان = وإلا فمان الله وموفقٍ خير

[نايف بن مزيد]

صح لسانك...........

[نواف سعد]

صــــــــــــــــــــــــــح الله لسانــــــــــــــــــــــــك

وبيض الله وجهك على هالقصيده

تقبل مرور اخوك نواف سعد

[الروقي]

صح لسانك ومشكوررر

[عبدالرحمن الحمد]

القناص
صح بدنك ومشكور

[عبدالرحمن الحمد]

نواف سعد
صح بدنك ووجهك ابيض يابعدي
اشكرك على مرورك الكريم

[عبدالرحمن الحمد]

الروقي
صح بدنك ومشكور

[hafi511]

..صح الله لسانك وعتلا شانك ..

[الــحــافــيــ]

الله يعطيك العافيه

[بعيد المدى]

صح لسانك اخوي عبدالرحمن