رديه بين ابوهذال والتويجري

[ابن طويق]

هذه رديه بين شاعر الوطن خلف بن هذال الحافي والشاعر المبدع ياسر التويجري
وطبعا جرت الرديه في باريس حيث التقيا هناك ..

خلف بن هذال موجهها (لياسر)




ياراع الطير خل الطيـر فـي وكـره
لاتقشـع البرقـع اللـي للهدد بـاقـي
فـي هـدة الطيرلاتفـرح ولاتـكـره
وانا لحب أشقـر الجنحـان مشتاقـي
اعلم عن اليوم ماأعلـم مايجـي بكـره
والله يفرج ويبهج صدر مـن ضاقـي
الوقت ماكـر وكـل ذاق مـن مكـره
ياكثر ماذقـت مـن لوعـات عشاقـي
الرجل يشكر ليا طال وضفـى شكـره
يربح به السوق عند إفلاس الأسواقـي
للعشق نشـوه غـرام وللهوى سكـره
والله ماادري متـى جمعـاي وفراقـي
يطوي بي البعد طوي الخيط بالمكـره
اليا متى تطـوي البيـدا علـى ساقـي
ياسر ... ترى للكرم واهل الكرم حكره
يفوح فيها الدسـم وتفـوح الأرزاقـي






وهنا ياسر الابداع يرد على زميله الشاعر :خلف بن هذال







الشعر فكره ياراعي الشعر والفكره
يالشاعر اللي مع الشعـار عملاقـي
سوق المعانـي تملكتـه ومحتكـره
بالفعل ماهي شهايد بيض الأوراقـي
أوّله ماجيب قبلـك وانـت مبتكـره
واشوف كنك علـى تاليـه توّاقـي
ياعاشق الطير حب الطير من ذكـره
لاصار كفه شطير وريشـه دقاقـي
ماكره في نجد ما مارابـه الهكـره
ولاشراه الـردّي وباعـه عراقـي
على غزال الشداد اللي على البكـره
اورّد نياقهـم واصــدّر نيـاقـي
احب راس الظفر وآطى على العكره
والأمة أخلاق وأنا هـذي أخلاقـي
للوقت وقفه حساب وللزمـن نكـره
والله يصبر من أفارق على فراقـي


وتقبلوا تحياتي

[الأكحل]

الله يا الدنيا التويجري من عقب بريدة باريس

وحنا جالسين نفتر في المثلث

[الباشا الهلالي]

صـــــح لســانك...

[حافي حائل]

صـــــــــــــــــح لسانك

[ناصر الحافي]

يعطيك العافيه

[راكان بن مروي]

يعطيك العافيه

[شباب الحافي]

الله يعطيك العافية على النقل
ولك تحياتييييييييييييييي

[الـــقـــلـــم الـــحـــر]

الف شكر اخوي بن طويق

[بعيد المدى]

ابن طويق يعطيك العافيه