معركة نطاااق

[نايف بن مزيد]

حدثت معركه بين الحفاة من قبيلة عتيبه وابن رشيد على موقع ماء اسمه نطاق
وانتهى ذلك اليوم دون ان يظفر احد الطرفين بالنصر الكامل ولكنهم اثخنوا بعضهم
فيها الى غياب الشمس0 وان كان الفخر اكثره لعتيبه لكون مكانة ابن رشيد في
ذلك الوقت مكان حاكم وجيشه قوي فيه عدة قبائل تسانده00
فوصف الوقعه سعود الحافي بقصيده تعتبر نبراسا ومثالا للصدق وذكر اللي لك
واللي عليك بدقه دون انحياز جائر مما نتمنى من الشعراء والكتاب والمؤرخين
ان يكونوا مثله بالصدق والنزاهه00
قال الشاعر سعود اليابس من الحفاة من عتيبه:

أول كلامـي طلـبـة الله وذكــره= ذكـرت ربـي كـل بـادي نــور
يقول بن حافـي بـدا راس مرقـب = في مرقـب عالـي بـروس القـور
يرد مـن زيـن المثايـل وينتقـي = مثل العسـل حلـو بـدون امـرور
كلامن أحلى من لبن شمـخ الـذرا = لاروحـت مـن حاجـرن ممطـور
بعد جا خيال طلعة الشمس وامطـر =اثعوله من الـدم الحمـر شختـور
وبرقه من أيمان النشامـا سيوفهـم =ورعده من افـواه السـلاح يثـور
قبلـي خشم(نطاق)لاطقـه الحيـاء =شمال مـن العـد الهمـاج حـدور
وسقيناهم السم الذحـاح وسقونـا = مثـل نمـورن صادمـت لنـمـور
وابن لغيصم طاح منا علـى الثـرا = ونحدهـم عـن مالـنـا بـحـدور
ياذيب ياللي بايمن النيـر وايسـره =كل من مداس الخيـل يـا معثـور
واشبع من الصبيان والجيش والرمك =والى ظميت اشرب مـن المنجـور
تلقا على الساقه حصانـن ومهـره = وتلقـى عيالـن لابسيـن كـمـور
وصوت لذيبـن يـم حشـة مليـه = وخلـو لغيـاب السبـاع جــزور
كم طاح عقب الكون من شمريـه = حناهـا طناهـا حنيـة البـاكـور
من اولاد حافي لابتـي ذي فعولهـم =أهل ماقفن يـوم اللقـاء مشهـور
كـدو علينـا ثـم رجعنـا عليهـم = واقفت بهم جـرد المهـار اعبـور
وردوا علينـا وردة فـي عزيـمـه =وهـج الحـلال وزرفـل المظهـور
وأحاطوا بنا قوم تهـاذب خيولهـم = ولجـة حداويهـم علـى المامـور
ورمينا العمايـم واعتزينـا بحافـي = وثبـت لهـم كـل أبلـج منعـور
وطاحن جياد الخيل من ضرب لابتي =والـدم الاشقـر بينـنـا منـثـور
وحمـو جوانبنا سمار وزايد =وعيا على التاليـن بـن صمعـور
وافتكـت اللقـوة بكثـر الـرزايـا = وكلن خـذا حقـه مـن الميسـور
جنايـز الضفـران حافـي وشمـر =أمسي بهـا سبـع الخـلا مسـرور
واربعي اللي كل مـا قلـت أظنهـم =لاكـن يهـدم بالـبـلاد اقـصـور
أهل مرحبا وان جت ليالي الشدايـد = وأهل الكرم وان جت ليال اعسـور
ياحيسفـا ياريـف هجنـن حفايـا =يوم الـردي عـن فاطـره مثبـور
أيضا وابن هزاع وعميـش قبلهـم =وحـزام شـوق الجـادل الغنـدور
وجدي عليهم وجد من بات ساهـر = يجر العواء من عظمـه المكسـور
والوجد الاخر وجد راعـي هجمـه = خذاها الذويبي من طـرف مجـرور
واستغفـر الله قبـل تكتـب عليـه =في كل عمري مـا ذكـرت الـزور
تمت وصلى الله على صفـوة المـلا =اعـداد مـا يزهـى الفـلا بزهـور

والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع
الجميل المنصف لاحداث هذه الوقعه لكلا الطرفين000

[أبوريشه الحافي]

كفو بالحفاء تاريخ مشرف


يعطيــــــكم العافيه

ولاهنت اخوي ابو مزيـــــــد

[الروقي]

مشكورر على النقل


ولاهو مستغرب على الحفاة



اللة يعطيك العافية

[الذيب]

يعطيك العافيه يابو مزيد..

[نايف بن مزيد]

مشــكــور ين علــى المــرور العطــر..........

[ابن مشيب]

مشكور اخوى القناص

ونعم بالحفاه تحيتى لك

[ابن مجلبه]

القناص

ماهيه غريبة على لابتي الفعول الطيبة التي تخلد في التاريخ ويتوارثونها الاجيال من غير قصور بالقبائل الثانية




شكرا على الطرح الرائع


دمت سالما

[مــاجــد الحافــــي]

الله يعطيك العافيه

تحياتي

[ذيب روق]

المعركة ليست في سبيل الله ولا حاجة لذكرها والفخر بها

رحم الله موتى الحفاه و عفا عنهم وموتى المسلمين

[ذعارالتوم]

القنااااااااااااااااااااااااااااااااص



بيض اللـــــــــــــه وجهك وانا اخوك وفعلنا كلن شاهدآ له



والشمس ماتحجب بغربال