القصيدة التى ابكت جمهور( الراحة) وغيرهم !!!!

[ابن طويق]

السلام عليكم ورحمة الله وبركاته :-
------------------------------------------------------------

بعد التحية

من اروع القصائد التى قيلت
فى منافسات شاعر المليون !!

قصيدة للشاعر / يوسف بن رزاق العتيبى
وبها يصف المشهد بالعراق الجريح
وينتخى بخادم الحرمين الشريفين

بــــــــــــــــــــغــــــــــــــــــ ـــداد









يافـكـري المشـغـول لشـعـر مـيـعـاد خلك معي ساعات والوقـت محـدود

أنـا هنـا بيـن عـلـى روس الأشـهـاد موجود في الصورة ولانيب موجود

تسـري بـي الأفكـار وأغيـب وأنقـاد أرحـل عـن الـواقـع ولاودي اعــود

هنـا كسبـت إعجـاب أحبـه وحـسـاد وهناك لـي موطـن وتاريـخ وحـدود

مانيـب نـاسٍ صبـح بغـداد الأمـجـاد اللي حجب شمسه من الظلـم بـارود

أربـع سنيـن وحــزن بـغـداد يــزداد ساعـاتـهـا ونـــات وأيـامـهـا ســـود

وإن كان في التاريخ صـورة لبغـداد هـذي شوارعهـا عصابـات وجـنـود

فيهـا العـبـاد اجـسـاد وثيابـهـا لـحـاد والموت بالمرصـاد والـرزق للـدود

فـي مشهـدٍ مايـوم مـا هــوب ينـعـاد ومأساتها من زود في زود في زود

الموت لو يرضي بشاعـات الأحقـاد هو أهون أهوالن تخلـي الولـد عـود

يـاخـادم البيـتـيـن يـاذخــر الأسـيــاد ياللي برايـك صامـل الـراي معقـود

يالحاكـم الـعـادل ويالـصـارم الـحـاد يامزبّـن المضهـود يالشامـخ الـطـود

لـك سيـرة أمجـادٍ قديـمـات وجــداد يفـوح منهـا زاكـي المسـك والـعـود

ولك حكمةٍ تلجـم شياطيـن الأضـداد ولـك هيبـةٍ يخضـع لهـا كـل نمـرود

واليا ادلهم الخطـب والعـزم بـه بـاد لـك وقفـة يفـرح بهـا كـل مضـهـود

ياسيـف الأمــة كــان للـحـق مـيـلاد إن ما انولد من سيف ماهوب مولود

قـدامـك المـنـظـر ثـلاثــي الأبـعــاد مكشـوف للعالـم ولاهـوب مجـحـود

على يدك توحيـد صـف أمـة الضـاد وأنت الأمل لاقالوا الصبـر محمـود

يـاقـادة الأمــة نـبـي مـنـكـم إنـجــاد ضاعـت علينـا وقتنـا أغـلال وقيـود

شعـبٍ يعـيـش الغـبـن ويــذل ويـبـاد قتـيـل ومـشـرد ولاجـــي ومـفـقـود

تنخـاكـم آهــات الثكـالـى بالأصـفـاد وطـريـق مـجـدٍ بالملـمـات مـسـدود

تنخـاكـم الآمــال وأمـجـاد الأجــدادا للـي لـهـا معـكـم مواثـيـق وعـهـود


وسلامتكم

[المـــاســي]

أثرت فيني هالقصيده لما سمعتها وهو يقولها

الله يحرر بلاد المسلمين أجمعين

يسلمووو خيوو على هالنقل

[فتى عسيلة]

ابن طويق الف شكر لك وصح لسان ابن رزاق على هذي القصيده والله انه شاعر مبدع ويستاهل المليون

[نايف مطلق بن مصيبيح]

بارك الله فيك

[الأكحل]

صح لسان ابن طويق وصح لسان يوسف

[ابن طويق]

يعطيكم العافيه جميعا
ويستاهل شاعر الأمه

[الباشا الهلالي]

صـــــح لســانك...

[حافي حائل]

يافـكـري المشـغـول لشـعـر مـيـعـاد خلك معي ساعات والوقـت محـدود

أنـا هنـا بيـن عـلـى روس الأشـهـاد موجود في الصورة ولانيب موجود



صح لسانك ولسان يوسف

[ناصر الحافي]

يعطيك العافيه

[طالب الحور]

صح لسانه
باركـ الله فيكـ ابن طويق
على موضوعكـ