الذيب يبقى ذيب ماهوب جاموس

[عبدالرحمن الحمد]

	مساجله بيني وبين الشاعر / محمد بن مشاري التميمي ياصاحبي بعطيك طاروق محسوس = طرقٍ ليا شلته تهيض هجوسه طرقٍ اجيبه لاغدى الوضع معكوس = يشلع همومٍ بالقلوب مغروسه بعض الشعر لاجاك معناه مدسوس = فك الرموز وحلله من طموسه لاتقتنع كوده مثل حدت الموس = غامض وقيفانه تكون معكوسه معناي جبته واضحٍ مابه طموس = يشفي همومٍ بالصدور امحبوسه إلا على العاذل مثل راس دبوس = يشكي من ألحاني ومحتاس حوسه أهل الردى دايم مثابير وتيوس = والقرم بالعليا يخايل جلوسه والرجل لامن صار مافيه ناموس = ماتنفعه يالقرم حتى فلوسه دايم تشوفه تحت الأقدام مدعوس = مايرتفع مادام كلٍ يدوسه والذيب يبقى ذيب ماهوب جاموس = لو كان عنده بين الأضراس سوسه يابو مشاري منهج القاف مدروس = ركز على قافي وخذ من دروسه وش عاد بالمسحوب وإلا بمنكوس = كلٍ على ذوقه يفصل لبوسه فرد الشاعر / محمد التميمي يامرحبا وعداد ماغرست اغروس = بديار نجد وعد مثمر بروسه وايضا عدد مافي البسيطه من انفوس = بالشاعر اللي فكر خصمه يحوسه وشاعرك بحرٍ ماعترف بأي قاموس = وقهوتك عنده يالعتيبي محموسه دقيت لأبواب الفكر ألف ناقوس = وأبحر معاها بالبحر قبل اقوسه قافي على العاذل مثل مدفع الروس = يضرب ولو دونه حصون محروسه العاذل اللي شفت في وجهه عبوس = لاتلتفت له قافك اللي يدوسه لأن القوافي خاضعه وايضاً تبوس = يدك وتكتم في وجيهٍ عبوسه اللي يدس الشر يالقرم منحوس = لابد في يومٍ تراقل عكوسه مثلي ومثلك مالنا معهم اجلوس = ناسٍ تبيع الرجل لاقفت فلوسه تم الجواب وباقي القاف مطموس = ( ركز على ردي وخذ من دروسه )

[الذيب]

صح لسانــــك ياعبدالرحمن,,

ولسان الشاعر محمد التميمي

ويعطيكم الف عاااافيه..

[ابن مسهر]

بيض الله وجهك

وتقبل مروري

[نايف بن مزيد]

بــيــض الله وجــيهــكمــ ولاقــصــرتــو.........

[الروقي]

صح لسانك



يعطيك العافية

[عبدالرحمن الحمد]

المشاركة الأصلية كتبت بواسطة الذيب

صح لسانــــك ياعبدالرحمن,,

ولسان الشاعر محمد التميمي

ويعطيكم الف عاااافيه..

صح بدنك يالذيب
اشكرك على مرورك الكريم

[عبدالرحمن الحمد]

المشاركة الأصلية كتبت بواسطة ابن مسهر

بيض الله وجهك

وتقبل مروري

وجهك ابيض يابعدي
اشكرك على مرورك

[عبدالرحمن الحمد]

المشاركة الأصلية كتبت بواسطة القناص

بــيــض الله وجــيهــكمــ ولاقــصــرتــو.........

القناص
وجهك ابيض يالقرم
اشكرك على مرورك

[عبدالرحمن الحمد]

المشاركة الأصلية كتبت بواسطة الروقي

صح لسانك



يعطيك العافية

صح بدنك يالبعدي
اشكرك على مرورك

[hafi511]

صح الله لسانك وعتلا شانك