احـــــد الفــصـــــــــول

[فواز علي الروقي]

احد الفصول

اسمع اذناب الخلاء قامت تدربك فالطسول=وجالها حس وضريس وكنها في خمخمه
تتبع الدرب الأليف ولاهي بحول الوصول=موالفه للمنحدر وجنه سواء في عمعمه
من مهفه في مطفه ومن عذول في عذول=والحياه الرايقه ماهي لها مترحمه
إعبدت درب المهونه لاتعيش ولاتزول =والصفات اللي رضتها كاصفات المسلمه
لعن ابوها ماتنام ولاتصوم ولاتقول =عابره درب عسير وصدقها تتوهمه
تحضن الموت الأليم وترمي افراح تجول=ولالها غير الدمار اللي رضت في مبسمه
دنيت فيها الشر راحت قطيع في فلول =ولاتساوي بالعمل وزنه بحق محرمه
والبشر عاشت سواء بين الملاهي والخمول =وغيرت وجهه نظرها للهلاك معلمه
ولاحياة(ن) للذي يمشي حدور(ن) في نزول =من تنكس عمره الباقي يكون مقدمه
عالم غاوي وتايه يوم زاد(ن) للخبول =والمنيه علمها بالغيب ربي يعلمه
ياموصله الرسايل يامفرقه النزول =اشهد ان الحق منكم للضياع معممه
والحقايق فالخطر قامت تعرض للذهول =والسلامه مكسب اللي الخطاء مايدعمه
والخفايا عندهم قتل الرجل بغدر(ن) تصول =فارس الغرات دايم الرجل مايزهمه
والغدر احد صفاته بالظهر دمه ميول =عادة اللي بالضعافه كل حق قسمه
والشجاعه للقروم اللي نحور للقبول =لراعي السيف الشطير اللي مقامه يحسمه
للرجال اللي علاها العلم يطرق للطبول =وتفتل حبال الغبن والحرب مرسى ودسمه
من لها مجد قديم وسار فالدنيا يطول =لين خلاء قدمه العدوان قدم مسممه
الشجاعه عد قوم(ن) مايجيه الاء الزحول=من مضاربها تخل الشين يترك مغنمه
عز قوم عن محارمها وضد للطبول=تنصف الجال في حاضر مواقيف علمه
والمروه للرجل تاج البطوله والفضول =عند ناس(ن) ماتقدر كود قرم بحزمه
والرجال اهل الوفاء من تعزز كل جول=ولاتعدى فوقها القالات باللي تردمه
ولاغريب بالحياه اللي تقوم ابها الذلول=والثقال إبها خفاف ولاتساوي همهمه
علام غير صفاته بالصفات اللي تقول=عندنا شرع جديد الظلم دايم ندعمه
اذوت النايم وعاثت بالزهاب وبالحمول =وضيعت بعض الشباب اللي حياته منعمه
والله اكبر ضد من عانق خراب بالدجول =من يحلل بدعه البهتان تمشي محرمه
وكل عام والعرب تنفد عبر احدى الفصول =والعمر عمر مكانه ونت متورمه
والصبر علم(ن) عملبه والامور إلنا تدول=والنهايه غايه الشيطان دايم مظلمه

الشاعر
فواز علي سريع الروقي

[البرق الخاطف]

الشاعر فواز علي سريع الروقي

صح لسانكـ

[عبدالله بن سعود]

صح لسانك


لآهنت قصيده جميله

[الذيب]

صــــــح لسانك

مبدع مبدع لله درك ياابا علي..

[فواز علي الروقي]

المشاركة الأصلية كتبت بواسطة البرق الخاطف

الشاعر فواز علي سريع الروقي

صح لسانكـ

اررررررررررررررحب وصح بدنك
بيض الله وجهك لاهنت ولاهان حضورك

[فواز علي الروقي]

المشاركة الأصلية كتبت بواسطة o.k

صح لسانك


لآهنت قصيده جميله

ارررررررررررررحب صح بدنك لاهنت ولاهان حضورك
شاكر لك ولاهو غريب عليك
تقبل تحياتي

[فواز علي الروقي]

المشاركة الأصلية كتبت بواسطة الذيب

صــــــح لسانك

مبدع مبدع لله درك ياابا علي..

ارررررررررررررحب يالذيب لاعدمناك ولاعدمنا حضورك
وصح بدنك يابيض الوجه
شارك لك على الكلمات الرراااااااااااائعه لاهنت

[الملفي]

صح لسانك ولاهنت



تحيتي لك

[فواز علي الروقي]

المشاركة الأصلية كتبت بواسطة الملفي

صح لسانك ولاهنت



تحيتي لك

صخ بدنك ولاهنت ولاهان حضورك
تقبل تحياتي

[سعود بن سعد الحافي]

صح لسانك يالشاعر

قصيدة مميزة من شاعر مميز

معنى و تصوير جميل

صح لسانك مع التحية لك

،،،،،،،،،،،