اهداء لسعادة العميد / محمد الجعيد

[سلمان عزيز]

اهداء لسعادة العميد / محمد عواض الجعيد

تكفا يابو رايد بغينا الإجازه = باقي عليها اسبوع مدري اسبوعين
ونته حزامي كل ما اعتزت عازه = منصاي يامشكاي بالعسر واللين
مثل الجبل بالأرض صعباً مرازه = ضد الهبوب اللي من ايسار ويمين
حرزاً مكينٍ وللصحيح انحيازه = قدر الخوي عنده على الراس والعين
والرجل فخره بالزمن واعتزازه = لاصار من ربعه سواتك سلاطين
والا الردي كسره سوات القزازه = كسره بسيط وجبره اشين من الشين
والخط الاحمر مانويت اجتيازه = الا ليا شفتك معي يا أحمر العين
اللي سواتك منصب الطيب حازه = علماً وكاد ولا اختلف حوله اثنين
واللي على شرواك صار اعتنازه = يرقى جبل ماشال هم المساكين
ترى البحر ماكل مخلوق هازه = واقبل سلامي ياصعوط المجانين

سلمان بن عزيز الحافي

[نايف مطلق بن مصيبيح]

صح السانك ابوراكان

وبيض الله وجهك

وابو رايد كفو ويستاهل العلم الغانم

الله يوفقه

[نايف بن مزيد]

بـــيـــض الله وجهك يابو راكان.................

على هذا الجديد...........

ويستاهل ابو رايد....شخص غني عن التعريف.....

ولاتحرمنا جديدك..........

[ابن مشيب]

صح لسانك

وقصيده جزله

تحيتى لك

[الذيب]

يستاهل ابو رايد هالقصيده

وصــــح لسانك ياولد العم..

[عبدالرحمن الحمد]

بيض الله وجهك يالقرم
قصيده رائعه
احترامي

[فواز علي الروقي]

عسى الاجازه حصلت ياسلمان
قصيده راااااااائعه بمعنى الكلمه واعجبتني كلها
ولو اني حرامي شعر سرقتها منك
بيض الله وجهك
وصح لساااااااااااااانك
وقفه القصيده لحاله جواهر
تقبل تحياتي

[الروقي]

صح لسانك



يعطيك العافية

[ناصر الحافي]

صح لسانك يابو راكان وبيض الله وجهك على ماقدمته وتستاهل كل خير

[محمدالوافي]

بــيــض الـلـه وجــهـــك . وصـــــــح لـســـــانــــك .
قـصــيــده جـــزلــه من شــــــاعــر جــــزل .
وابــــو رايـــــــد يـســـــتاهـل .احـمـر الـعـيــــــن .