لعشاق الضبان تفضلوا .....

[الاصيل]

هديه اقدمهااا لعشاق الضبان لو اني ماحبهم بالحيل اخر مرة اكلتها قبل عشر سنوات وعليها الى الان ما اكلها بس قالت اكيد تعجبكم








وبالاخير صحه وعافيه على الجميع

[البرق الخاطف]

يازين باض المتسون

والا الثروب

يم يم

خخخخخخخخخخ

الاصيل

حرام عليك تسبودنا طاحت عند الصور !!

[الملفي]

الاصيل


مشكور على الصور


والله يصبرنا

تحياتي لكـ

[الاصيل]

البرق الخطف ..... الملفي

استانستوا بالصور

شوفوا الضب المسكين وش يقول


الضب المظلوم

الضب قدّم للوزارة شكية *** قال أنا مظلوم وسط الصحاري

الحيوانات تعيش عيشة هنية *** وأنا في الأكياس تحت الكباري

مسكين مالي وساطة خارجية *** الواسطة للظبا والحباري

أشكي من الأزمة ظروفٍ قوية *** خص بالصيف والجسم عاري

محمية الغزلان دون الحوية *** وأنا مقطع وسط الرز البخاري

أنا لحالي عيشتي جاهلية *** أنصاد لو اني بالبنك العقاري

في سوق الجمعة يحرّج عليه *** مكتوب أسمي في السجل التجاري

أحتج وأقدم للأمة قضية *** ممنوع صيدي بالسلاح الناري

أعيش أنا والحباري سوية *** مافي فرق بين صندوق وهواري

لا طلعت أبي أتمشى شوية *** أرى الدداسن كوم تضرب بواري

الصيد يتمشى جري وآهنيه *** في محمية الغزلان وأم القماري

وأنا بمسلسل طاش يضحك عليه *** وين التقدم والأسلوب الحضاري

نسأل الله العلي القدير أنك يفك أزمة الضب المسكين

مع شكري الجزيل

الاصيل

[الاصيل]

وابيات اخرى

أواه يا ضب علــــى الطعــس مغبـــون = يبكي قهر من شوف فرقا مكـونه
شـاف الجحر فاضي بلاطعم او لـــــون = شافـه ودمعـــه غارقٍ في عيونـه
ما صـــدق عــيونه الا كيف وشـلــــون =عقب الرفاقـــــه والمحبه تخــــونه
قام يـتـــقلب في الجحر تقل مجنـــون = يقلب تــراب الــغضي ويصــــــونه
يشكي على الحرمل مواجيع وشطـون = ويلــسب لواهيب الغرام وديــــونه
ويسحب من اللوعات انفاس وشجـــون = ويجلس طوال الليل تسهر جفـــونه
تسمع وشيشه كن صدره به اطــــعون = يــجاذب انفاس الوله في طــعونه
هــنـــيـكــم يالـلي بـــذا البر تـلـهـون = ما تـــعرفون العشق شكله ولونـه
يالحـــــب مثل السيف لا جاك مسـنون = يحمل معه اوجــاع ذل ومـهــــونـه
ياعل جــحر في نـقـا الــبر مسكــون = يســـقيه ربي من صوادق مزونــــه
حيثه سكــــن في داخله ضب مزيــون = ضب جـــــمع بالزين حســن وليونه
هــذا ولـيفي مــــغرمٍ فيه مفــــــتون = وما شفـــــت طعمٍ للبراري بـدونــه


معاناة الضبان حكاية لا تنتهي

تحياتي لكم

الاصيل

[الملفي]

نقول للضب
هين هين ياضبان




مشكور على الابيات الرائعه

[الاصيل]

الملفي اهلا بك

مع شكري الجزيل

الاصيل

[بن كليفيخ الوافي]

الاصيل
يعطيك العاافيه اخووي وماقصررت علي الصوره الحلوه

ومشكور علي القصيده الخاصه بالضبان

[الروقي]

الاصيل
مشكور على الصورة واللة لايهينك

[الذيب]

ياسلام سلم
هذا الصيد الوافر..
ماشاء الله عليهم ...ياكلونها بالعافيه مشكور يالاصيل على الصور