قصيده موجهها للشاعر سلمان عزيز الحافي

[فواز علي الروقي]

	السلام عليكم ورحمه الله وبركاته وبعد البارح اتصل بي اخوي سلطان الحافي الله لايهينه خوينا وشاعر المحاوره وكلكم تعرفونه وقال فيه رجال يدور رقمك وتراني عطيتهيه وقلت منهو قال الشاعر سلمان عزيز الحافي وقلت الله يحييه وبعد سلطان بخمس ديقايق الاء الجوال يرن الاء هو الشاعر سلمان عزيز وقال انه وده ان يكون بينا اتصال مثل ماانا ودي اتواصل معه ومع الجميع كلهم المهم كلمني الرجال بيض الله وجهه وصارت مكالمته في وقت ماتوقعته وافرحتني سراحه وهاجت القريحه بالابيات التاليه عساها تكون وفت بالغرض

سلمان الحافي

يامرحبا بك عد ماهب نسناس =وأعداد ماغنى على الغصن قمري
وعد الرمال وعد من صابه الباس= حي الرفيق أقولها بعز صدري
سلمان قولك ينعش القلب والراس= رجل مكانك رافعه مثل قدري
حر(ن) على الشانات منته بهساس= ورافعك ربي صدق ماهيب عذري
حر (ن)ولك بالمجد مركز ومرماس= ومن روس قوم (ن)خبلها سبع نمري
سباق للزانات لوكنت بعماس =ومن دونها تاطا على النار جبري
عزام جزام(ن) على كل مقياس= تاصل مرادك بين بدو(ن) وحضري
عزيز قوم من ذهب لست بنحاس= والصدق بين وانت بالصدق تدري
وانا مخلاني اسطر بقرطاس= يوم رن جوالي بشرواك يشري
ومن صد عني قلتله طس ياطاس= واللي زهمني يمه الليل اسري
اشري رفيقي دام فالعز نبراس =ولا أشري ضعيف فالمذلات خذري
خبل حياته بين ماقس ومقاس =ردي قوم(ن) والنظر منه خدري
وللعز والنوماس ماهو بحساس= وإسم الرجوله فيه ماهوب يمري
وشرواك عز الجنب لويشك الافلاس= رجل(ن) على كل المواجيب قدري
وصلاه ربي عد ماتضرب الفاس =في حيد عود(ن) لين للارض يجري

الشاعر
فواز علي سريع الروقي

[ااالهوااااااوي]

صح اللسانك يافواز

[فواز علي الروقي]

المشاركة الأصلية كتبت بواسطة ااالهوااااااوي

صح اللسانك يافواز

صح بدنك لاهنت ولاهان حضورك تقبل تحياتي

[سلمان عزيز]

6600cc صح لسانك وبيض الله وجهك الرد في القريب العاجل - سلمان عزيز الحافي

[فواز علي الروقي]

المشاركة الأصلية كتبت بواسطة سلمان عزيز

6600cc صح لسانك وبيض الله وجهك الرد في القريب العاجل - سلمان عزيز الحافي

ارررررررررررحب صح بدنك ووجهك ابيض
بس الاسم عيا يروح
عدلت عنوان الموضوع واللي بالمقدمه بس اللي بالخيمه مدري كيف صار
على العموم بحاول ولو تطيعني خله يجلس ولاهو ضار مغير موضوع واحد
تقبل تحياتي وانا اتحراك والظاهر انها تبي تطول بيني وبينك مراد لانك شاعر
عارف شكل ردك لاهنت

[الذيب]

صح لسانك ابوعلي

قصيدة شاعر متمكن أسندت لرجل كفو
وشهادتي فيك مجروحه

لاهنت وبنتظار جديدك

[البرق الخاطف]

عزيز قوم من ذهب لسـت بنحـاس = والصدق بين وانت بالصدق تـدري
وانـا مخلانـي اسطـر بقرطـاس = يوم رن جوالـي بشـرواك يشـري

الشاعر فواز علي سريع الروقي

صح لسانكـ

يستاهل الشاعر سلمان عزيز الحافي

ونعم فيكم جميعا

[نايف بن مزيد]

الشاعر فواز علي سريع الروقي

صح لسانكـ


ويـــســـتاهل ابـــو راكـــان كـــل الطيـــب.................

[فواز علي الروقي]

المشاركة الأصلية كتبت بواسطة الذيب

صح لسانك ابوعلي

قصيدة شاعر متمكن أسندت لرجل كفو
وشهادتي فيك مجروحه

لاهنت وبنتظار جديدك

لاهنت ولاهان قولك وحضورك يكفي
بيض الله وجهك وجه الرجال اللي انت منها
وانا مامدحت قلت اللي انا عرفته عن رفيقي والخافي ليا عرفناه
رده معه تقبل تحياتي

[فواز علي الروقي]

المشاركة الأصلية كتبت بواسطة البرق الخاطف

عزيز قوم من ذهب لسـت بنحـاس = والصدق بين وانت بالصدق تـدري
وانـا مخلانـي اسطـر بقرطـاس = يوم رن جوالـي بشـرواك يشـري

الشاعر فواز علي سريع الروقي

صح لسانكـ

يستاهل الشاعر سلمان عزيز الحافي

ونعم فيكم جميعا

صح بدنك لاهنت ولاهان حضورك بيض الله وجهك دايم سباق لاعدمناك
وكلمه نعم تعيبه لاكن ماعليك زود
تقبل تحياتي