معلقة سعود اليابس [ وقعة نطاق الحفاه مع ابن رشيد ]

[سلطان الحافي]

اول كلامي طلبت الله وذكـــــــــــره = ابدى بذكــره كــل بادي نــــــــــور
يقول ابن حافي بدى راس مرقب = في مرقب يبدي حجــــاه صقـــــور
يرد من زين المثايل وينتقـــــــــــي = مثل العسل في داخـــلي الــــــــدور
كلام احلى من لبن شمـــــخ الذراء = لاروحت من حاجر ممطــــــــــــور
خيل خيال طلعت الشمس وامطـر = فعله من الدم الحمـــر شختـــــــور
وبرقه من ايمان النشاما سيوفهم =ورعده من افواه الســلاح يثـــــور
قبلي خشم انطاق لاطقه الحياء = شمال من العد الهماج حــــــــــدور
جونا هل العادة تبارى جموعهم = شمر هل اللكزه على الطــــــــابــور
وراجوا علينا روجة السيل فالنحا = وحنا حديناهم سوات الصــــــــــــور
سقيناهم السم الذحاح و سقونا = مثل نمورن صادمت بنمور
وكدوا علينا ثم رجنا عليهـــــــم = واقفت بهم سرد المهار عقــــــــــور
وابن لغيصم طاح منا على الثراء = ومن طاح في الميدان مايثــــــــــور
وردو علينا رافعين سيــــوفهــم = وهج الحلال وزرفل المظهــــــــــور
واحاطوا بنا قوم تهاذب خيولهم = ولجت حداويهم على المــــــــامــور
تركض علينا الخيل منا ومنــــا = ويطيح من فوق الجمــال بـــــــــزور
ورمينا العمايم واعتزينا بحافي = وثبت لهم كل ابلج منعــــــــــــــــور
وطاحن جياد الخيل من ضرب لابتي = والدم الاشـقر بيننا منثـــــــــــــــــور
وحمى جوانبنا سمار وزايـــــد = وعيا على التالين ابن صمعــــــــــور
وان فكت اللقوه بكثر الرزايـــــا = وكل اخذ حقــه من الميســـــــــــــــور
جنايز الظفران حافي وشمــــري = امسى بها سبع الخلاء مســـــــــــرور
ياذيب ياللي فيمن النير وايسره = الحق جدى الخيــل يامعثــــــــــــــــور
واكل من الصبيان والجيش والرمك = واليا ضميت اشرب من المنجــــــــور
تلقى على الساقه حصان ومهره = وتلقى عيال لابسين كمـــــــــــــــــــور
وصوت لذيب يم حشت مليـه = وخلو لغياب السبــاع جــــــــــــــــزور
كم صاح غب الكون من شمريـــه = حناها طناها حنيت البـــــــــــــــــــاكور
تبكي على اخوها وابوها وعمهـأ = معقب فقصــى الضمير حـــــــــــــــرور
على مورد الهياب جرت صياحها = بعد طاح منا والرمك دعثــــــــــــــــور
من آلاد حافي لابتي طاح وانعثر = اهل ماقفا يوم اللقاء مشهـــــــــــــــــور
واربعي اللي كل ماقلت اظنهم = ليا كن يهدم في البلاد قصـــــــــــــــــــور
عقب المباني والحياة الزينــه = راحت مبانيهم خصف وخــــــــــــــدور
اهل مرحبا وان ليال شدايــــــد = واهل الكرم وان جت ليال عســـــــــور
اليا قلت ياقلبي تريح من العناء = يطرى على قلبي سهل وســـــــــــــرور
وجهز ولد هزاع واعميش قبلهم = واخزام شوق الجادل الغــــــــــــــــندور
واحيسفي يافرز عيد القوايــأ = يوم الردي عن خاطره مثبــــــــــــــــور
واربعي اللي كلما جوهم العداء = يحطون في عين العـــــــــــــــــدو ذرور
وجدي عليهم وجد من بات ساهر = يجر العوا من عظمه الكســــــــــــــــــور
اخذ ثلاث اسنين وازداد مثلها = ومن بعدها طاح وطلع مجبـــــــــــــــــور
والوجد الاخر وجد من باع ذمته = لقو علاه الطيبين عقــــــــــــــــــــــــــور
والوجد الاخر وجد راعي سوايل = اخذها الذويبي من طرف مجــــــــــــــرور
والوجد الاخر وجد من حودروبه = اهل غل عدوان القلوب كفـــــــــــــــــــور
اصابته شكواه من حاكم البلد = يساق ظلم وجالها شبشـــــــــــــــــــــــور
وشدو اكتافه مابه احد يساعده = يداه مكتوفه وهـــو مقهــــــــــــــــــــــور
مثل السمره اللي تواخو منيعهـم =اللي منعهم عايش الطيـــــــــــــــــــــــــور
اخذ بنادقهم وهمل رقابهـــــــــم= يقولونه اللي في المكان حضــــــــــــــــور
واستغفر الله قبل تكتب عليـــــه = انكان من عمري ماعد الـــــــــــــــــــزور
وابوخشيم اشرف علينا بفــزعه = اواق واليا جونــا مخطـــــــــــــــــــــــــــور
والله مالوم الاد مرشد بفعلهم = وفي مثلها يستاهلون الســـــــــــــــــــــــور
وتمت وصلى الله على صفوة الملاء =اعداد مايزهى الفلاء بزهـــــــــــــــــــــــور

الفارس والشاعر :

سعود بن لفاي اليابس الحافي

(.... تم تثبيت هذه القصيده اللتي يحق لنا الفخر بها ....)

[الباشا الهلالي]

الله يرحمــه
وماشاء الله عليه مايشق له غبار في الشعر

[نايف مطلق بن مصيبيح]

سلطان الحافي

بيض الله وجهك

هذه القصيده تستحق التثبيت

[ابن حافي1428]

«®°·.¸.•°°·.¸¸.•°°·.¸.•°®» هذة القصيدة معروفة للصغير قبل الكبير وهي معركة من اشرس المعارك للقبيلة ضد ابن رشيد في نطاق


شكراااااااااااااااا على نشر القصيدة «®°·.¸.•°°·.¸¸.•°°·.¸.•°®»

[سلطان الحافي]

المشاركة الأصلية كتبت بواسطة الباشا الهلالي

الله يرحمــه
وماشاء الله عليه مايشق له غبار في الشعر

الباشا الهلالي

هلا وغلا


اشكرك على التعليق

والله يرحمه

[سلطان الحافي]

المشاركة الأصلية كتبت بواسطة النايف

سلطان الحافي

بيض الله وجهك

هذه القصيده تستحق التثبيت

النايف

ارحب

وجهك ابيض

اشكرك على طلتك الجميله

تحيااااااااااااااتي

[سلطان الحافي]

المشاركة الأصلية كتبت بواسطة ابن حافي1428

«®°·.¸.•°°·.¸¸.•°°·.¸.•°®» هذة القصيدة معروفة للصغير قبل الكبير وهي معركة من اشرس المعارك للقبيلة ضد ابن رشيد في نطاق


شكراااااااااااااااا على نشر القصيدة «®°·.¸.•°°·.¸¸.•°°·.¸.•°®»

ابن حافي

حياك ربي

وتشكر على مرورك العطر

والقصيده مثل ماقلت

ولا شكر على واجب

مودتي....

[احمد بن مسفر التوم]

سلطان بيض الله وجهك وهذي تثبت في الصدور

[الحضري]

الله يرحم الشاعر قول فعل
ويعطيك ياسلطان العافيه على حسن الأختيار
تحية طيبه ونتطلع للمزيد
أخوك / أبو فهد

[ناصر الحافي]

رحم الله الفارس سعود بن لفاي اليابس

سلطان الحافي مشكور على طرح هذه القصيده وتم التثبيت