رثاء في الشيخ ذعار بن ربيعان

[ناصر الحافي]

السلام عليكم ورحمة الله وبركاته

قصيدة رثاء في الشيخ / ذعار بن مسلط بن ربيعان ( رحمه الله ) رئيس مركز "خف"

يــــاالله يالـمـعـبـود يـالـغـفـار يــالـــرب الـكــريــم=ياغـافـر ذنــوب العـبـاد ولا لـهـم غـيـرك غـفــور
يـامـنـزل الـتــوراة يـاالـقـيـوم يـالـعــدل الـرحـيــم=ياعالـمـاً بالـنـاس واعمالـهـا واســرار الـصــدور
تـرحـم ذعــار وتدخـلـه برحمـتـك جـنـات النـعـيـم=وفي جنة الفردوس الاعلى وارزقه زوجات حور
شيخـاً ورث طيبـه مــن الـجـدان مــن وقـتـاً قـديـم=مـن ترثـة محصـن شيـوخ لنجـد وطـوال الشبـور
حافـظ علـى دينـه وصيتـه والـردا عـنـده خصـيـم=الله عـطـاه السمـعـه الـلــي لـلـزمـن تـبـقـا دهـــور
أمـيـر والحكـمـه كسـبـهـا ومنـهـجـه دايـــم حـكـيـم=وفـعــل الـمــروه لـــه طبـيـعـه مايخلـيـهـا تــبــور
شيخـاً محنـك والتواضـع خصلـتـه وايـضـاً فهـيـم=فك النشب بين العرب وان طولت عزمـه صبـور
مـن عقـب ابـو نـايـف وكــلٍ معتـبـر نفـسـه يتـيـم=الـوالـد الـلـي مــن يميـنـه حــل عـسـرات الامــور
لاشفـت قصـره وسـط خـف واخـره مسجـد يقـيـم=دعـيـت لــه فالجـنـه انــه يـرزقـه ربــي قـصــور
يــارب تـرسـلـه مـزونــاً فـــوق مـنـازلـه رزيـــم=وتجعل على قبـره ريـاض وتنبـت بقبـره زهـور
وختامهـا صلـوا علـى اللـي قــدوة الخـلـق السلـيـم=اعـداد ماحجـة حجيج البيت واعداد الطـيـور

ناصر بن محمد الحافي

[نايف مطلق بن مصيبيح]

اخوي ناصر

رحم الله الشيخ / ابن ربيعان

وبيض الله وجهك وصح السانك يبن العم

[ناصر الحافي]

النايف صح بدنك وشرفني مرورك

[عبدالرحمن الحمد]

الشاعر القدير / ناصر الحافي
صح الله لسانك على هذه القصيده
والله يرحم الشيخ ابن ربيعان
تقبل مني خالص الشكر والتقدير

[الأكحل]

لاشفت قصره وسط خف واخره مسجـد يقيـم
دعيت له فالجنه انـه يرزقـه ربـي قصـور

صح لسانك والله يرحمه ويغفرله

[ناصر الحافي]

عبد الرحمن الحمد - الاكحل


صحت ابدانكم وبيض الله وجيهكم واطلاعكم يشرفني ويسعدني

[الوليد الحافي]

ابو محمد الله يرحم الشيخ ذعار

وماقصرت في المرثيه

واطلب منك المرثيه اللي كتبتها فالشغار

[ناصر الحافي]

الوليد بن خالد ياهلا ويامرحبا وصح بدنك


وطلبك على العين والراس ولايهمك

[الباشا الهلالي]

صح لسانكـ ومشكور على القصيده

[ناصر الحافي]

المشاركة الأصلية كتبت بواسطة الباشا الهلالي

صح لسانكـ ومشكور على القصيده

صح بدنك يعطيك العافيه