محاوره بين ضيدان وسلطان

[حافي نجد]

السلام عليكم

صباح . مساء . الخير

كلكم تذكرون سالفة ضيدان وسلطان الهاجري
دبي وبشوت الاماره
يوم توقفوا صارت بينهم رديه
مدري احد من قراها قبل لاكن انا اول مره اشوفها

وهذه الرديه بين سلطان وضيدان عندما كانا في السجن :

ضيدان
مرحبا في حلةً دونها عشرين باب
المراوح فوقها والهبوب تفرها
الحرار الي مواكيرها روس الهذاب
حولة في نقرتن ما يقارب حرها


سلطان
البقا يا صاحبي ما وراه الا العذاب
والجريره حسبي الله على من جرها
صاحبي ضيدان غرب ولا أدري ويش جاب
يوم حصل خيرها ما كفاني شرها


ضيدان
ما يبرك للحمول الثقال الا الركاب
أحتمل وجنود الأسلام لله درها
وأن سرى ثلثين ليلك ونجم الجدي غاب
سل عيوني ليه حلو الكرى ما مرها


سلطان
الفخر والعز بين الثريا والسحاب
والمطر لو ما يضر الدير ما سرها
مير قلي وش فرق المشالح والثياب
أن سبحت ببحرها أو مشيت ببرها


ضيدان
فرقها فرق أزرق الجم عن ضوح السراب
السراب يوهق الضامية ويغرها
البلا من شعلتن ما حسبت لها حساب
واحدن منا قدحها والآخر كرها


سلطان
ما بقى في حوض الأجرب طعام ولا شراب
والجنوب من الجرب كل ليل يعرها
لا تعاتبني عليها خطا ولا صواب
في ذرى روس مطار الهوى مغترها


ضيدان
كلبينا لقمة بين ضرس وبين ناب
مير يا سلطان دك الركاب وسرها
وأضرب أم جلال بالهرش يا مال الذهاب
لقحة أم جلال ولا الجمل ما ضرها




وسلامتكم

[بن كليفيخ الوافي]

فيصل
يعطيك العاااااافيه دائما مبدع بمواضيعك

يعطيك العااااااااااااافيه اخووي علي المحاوره

[الملفي]

مشكووووور على النقل


اخوي / فيصل

لاهنت

[الذيب]

جعلك سااالم..

رديه رائعه بالنسبه الّي..
لاهنت,,

[ناصر بن سعود]

صح لسان الشعار

ذوق رائع يافيصل

الله يعطيك العافية

ولايهينك

شكرا لك

[ابن مشيب]

لاهنت اخوى فيصل على

النقل وصح لسان الشاعرين

وتحيتى لك

[عبدالله بن سعود]

مشكور اخوي

لآهنت على الرديه

[الروقي]

مشكور أأأخوى الله يعطيك العافية ولاهنت

[الـتـوم]

كلبينا لقمة بين ضرس وبين ناب
مير يا سلطان دك الركاب وسرها
وأضرب أم جلال بالهرش يا مال الذهاب
لقحة أم جلال ولا الجمل ما ضرها

متألق في موضيعك ورائع

[ابن مجلبه]

صح لسان الشاعرين سلطان وضيدان




اخي فيصل الحافي


سلمت يمينكـ على النقل الرائع

مودتي