ياطيـــــــــــــــــــر

[بدر الحافي]

ياطير في صوتك تباريح وشجون=واكبر من شعور الوله والصبابه
انا اشهداني منك ياطير ممنون= انت الذي ياطير يشفي جوابه
اسجع وانا علي اجاريك بلحون=ماينقص المسحوب غير الربابه
كوسر وهات الي على البال بالهون=الي على بالي يجوز العنا به
انته وانا والحال بالحال مقرون=اظروفنا ياطير يمكن تشابه
ويش اسم صوتك يوم غنيت بفنون=الحل كله في حروف الاجابة
عز الله اني فيه ياطير مفتون=اصبح على ذكره واحب المسا به
القلب معه وبين اياديه مرهون=والعمر من دونه قطعتالرجا به
غلاه فوق الروح واغلا من النون=واغلا من العمر اوله في شبابه
حبه يزيد وباقي العهد مصيون=ماينتقض والعهد لزم الوفا به
ياطير انا اخترته والاجواد يعطون=على النقا والحظ ياطير جابه
انا كريمن مارضا الغلب والهون=وانا عزيزن نزه الله جنابه
ماني براعي خرص‎ ‎واوهام‎ ‎واظنون=قناعتي عن قول غيري مهابه
امنت بالله واطلبه وارجي العون=وانا احمده حمدن كثير حسابه
مااوحيت هرج الي على الدبك يمشون=الي يشبون الفتن فالقرابه
ياطير لوامشي على ما يقولون=والله لتاكلني جياع الذيابه
القلب ميت والتوافيق مالون=والعقل نص وراح كله نهابه
من سلم المفتاح فيدين مجنون=لايمنع السارق ليا فك بابه
والي رزقه الله بتفكير وعيون= باسهل طريق يعرف وشهو صوابه

[الذيب]

صـــــــح لسانك..

وبيض الله وجهك ..


قصيده رائعه..


لاهنت..

[ابن مجلبه]

شاعر الابـــــــــــــــــــــــــــداع


شاعر التميـــــــــــــــــــــــــــز



صح لسانكـ على هالقصيدة


وبيض الله وجهكـ


و الشاعر الجزل مايجي منه الا جزل


مودتي

[ابن وافي]

ياطير لوامشي علـى مـا يقولـونو الله لتاكلـنـي جـيـاع الذيـابـه
القلـب ميـت والتوافيـق مـالـونو العقـل نـص وراح كلـه نهـابـه






أبيات ولا أروع



بوح راقي



صح لسانك



لك ودي

[مهموم222]

اخوي بدر

مبدعا دائما ومتالق في ابياتك العذبةالجميلة ونحن دوما في انتظار جديدك
اتمنى لك دوام الصحة والعافية
احترامي وتقديري لك

[البرق الخاطف]

ياطير لوامشي علـى مـا يقولـون = والله لتاكلـنـي جـيـاع الذيـابـه
القلـب ميـت والتوافيـق مـالـون = والعقـل نـص وراح كلـه نهـابـه

الشاعر بدر الحافي

صح لسانكـ

[محمدالوافي]

الـشــاعـر بــدر الحــافـــي .
مـبـــدع فـي الـقـصــيــــد .
صـــــــــح لـســـــــــانـــك .
وبـيــض الـلـه وجـهــك .

تـحــــيـاتــي لـــــك

[نايف مطلق بن مصيبيح]

الطيـــــــــــــــــــر

-----------------

بدر

بيض الله وجهك على الابداع المستمر والغير مستغرب من شاعر

متميز له بصمه خاصه على القصيده

صح السانك اخوي بدر

تقبل تحياتي واعجابي

[احمد الزايدي]

بدر الحافي


............


صح السانك وأعتلا شانك


مبدع والاابدع قرينك دائما


لك شكري وتقدير

[ناصر بن سعود]

ماشاء الله

صح لسانك يابدر

جزل

الله يعطيك العافية

ولايهينك

تحيتي