ان كان ما أنت بتبينا ويـش نبغابـك

[ناصر الحافي]

بسم الله الرحمن الرحيم

السلام عليكم ورحمة الله وبركاته

اليكم هذه القصيده وآمل ان تنال اعجابكم واستحسانكم

قلبي رهينه لحبـل الوصـل باسبابـك=يكفيني اللي حصـل لـي يامجازينـا
كم ليله اسهرتني وانشد وش ابطابـك=وتصد عنـي وكنـك شاربـاً سينـا
ماتدري اني علـى النيـران فغيابـك=امشي على جرتـك واذكـر مواطينـا
ان كان ما أنت بتبينا ويـش نبغابـك=خلك مع اللي تبيهم وانـس ماضينـا
قدرك نعرفـه ولايخفى على اصحابـك=وتذكر كلامي وتتحسـف وترجينا
لاجيتنا ماني قايل ليـش وش جابـك=ادري عن اللي بقلبـك يـوم تبغينـا
حسبي على اللي بشوره كذب واغوابك=تمشي على شوره المخطي ومخطينـا
كثرت ظنونك وصار ابليس يسعابـك=ومن كثر ماتجحد المعـروف ناسينـا
من عقب كل المواجع كيف برضابـك=ياصغير السـن تـرا ماعـاد تعنينـا
خلاص ماعاد افكر بـك ولا اشقابـك=نسيت من هو بنـار الهجـر كاوينـا

ناصر بن محمد الحــافي

...

[المايسترو]

رااااااااااااائعة جداً

صح لسانك يابو محمد

[ناصر الحافي]

مرورك الرائع وصح بدنك

[عبدالرحمن الحمد]

الله الله الله

صح الله لسانك يا القرم قصيده راائعه جداً

تقبل مني خالص الشكر والتقدير

سلمت وسلم نبضك الراقي

[Google]

صح السانك يابومحمد

وبارك الله فيك

[ناصر الحافي]

عبد الرحمن - قوقل


مروركم شرف وصحت ابدانكم جميع


اخوكم / ناصر الحافي

[الوليد الحافي]

خلاص ماعاد افكر بـك ولا اشقابـك=نسيت من هو بنـار الهجـر كاوينـا

الله عليك يابو محمد بيض الله وجهك

[حافي حائل]

قصيدة رائعة وصح لسانك
وننتظر جديدك

[برفسور ملتمس]

صح لسآنك وسلمت يمينك يابو محمد

[ناصر الحافي]

صحت ابدانكم جميع واسعدني تواجدكم