محاورة بين الشاعر الكبير حبيب العازمي و عبد المجيد الفهمي

[hafi511]

حبيب العازمي

الليله أصحابي الشعار فيهم بلا ^^^^ اللي يقدم قدم واللي يريوس ورى
إن أقبلوا ياهلا وإن روَّحوا ياهلا ^^^^ ما يوجد أكثر من الحجاج في أم القرى

عبدالحميد الفهمي

وشفيك يا عازمي زعلان بين الملا ^^^^ والناس مستغربه ما تعرف اللي جرى
نبا نحاكيك مثل الصاحب اللي أولا ^^^^ وإنته لبيب وتعرف البيع والمشترى

حبيب العازمي

لو ان صدري ليا اوحيت الكلام إمتلا ^^^^ يمكن قتلت البعير وصاحبه ما درى
انا بعلمك وإليا قلت لا قلت لا ^^^^ والحنظله ما تطول بعرقها في الثرى

عبدالحميد الفهمي

أخاف في تالي الأيام تطلع جلا ^^^^ لكنك احسب حسابك وإلتزم في العرى
يسهر طوال الليالي من يريد العلا ^^^^ وانته تعلم معلم قد كتب قد قرى

حبيب العازمي

ما ني بمجنون أطش عمامتي في الخلا ^^^^ ألم ترى ما حصل يمكن ترى ما ترى
كم واحداًً صارع الدنيا وروَّح ولا ^^^^ ما غير ماتت ذلوله والصميل انفرى

عبدالحميد الفهمي

ما انته بمجنون لا كن ذقت مر وحلا ^^^^ واليوم ما عاد ندري من قعد من سرى
وش صار في البصره وبغداد والموصلا ^^^^عليه تحليق طيارتها الكبترى

حبيب العازمي

كلاً يحب الحيا كلاً يحب الغلا ^^^^ يا جعل نبت الربيع يسمن الفطرى
تبي الصراحه فأنا ما جيت من كربلا ^^^^ اسمع يقولون حرب الحصني الأزهرى

عبدالحميد الفهمي

انته حبيب وعنك صويحبك ما سلا ^^^^ مسموح لو تغلط وياليتك تعمرى
يمكن معك علم والعالم تبى تسألا ^^^^ وان كان ما معك علماً جمٍّل وتشكرى

[ناصر بن سعود]

صح لسان حبيب ولسان الفهمي

يعطيك العافية على النقل

شكرا لك

ولاهنت

[ذيب المويه]

إن أقبلوا ياهلا وإن روَّحوا ياهلا ^^^^ ما يوجد أكثر من الحجاج في أم القرى


حكمه

[ذيب روق]

يعطيك العافية

[hafi511]

مشكورين على المرور الرائــع

[الذيب]

صحت السنتهم..


وبيض الله وجهك..



تحيتي,,

[غريب ابن سمار]

يعطيك العافيه

[ابن ملحق]

مشكوووووور والله يعطيك الف عافيه

[القمة]

صح لسان حبيب ولسان الفهمي

يعطيك العافية على النقل

شكرا لك

ولاهنت