بعض العرب تزعج الاعلام صورتها

[ناصر الحافي]

السلام عليكم ورحمة الله وبركاته

اخواني وبعد ا لتحيه ،،،

بعنوان بعض العرب مع احترامي لبقية الشعراء والنقاد


اهدي لكم هذه وسببها حينما شاهدت بعض البرامج وسيتضح لكم معناها عن قرائتها

بعض العرب تزعج الاعلام صورتها = اللي تلهث على الشاشات جوعانه
اللي تبا الشهره اخطتها ولاجتها = لاجاك واحدهم اصبح يطلق لسانه
ماتدري انه يخل بكل سمعتها = من قبل هذي من اول مالها خانه
ناساً تهايط ولا ادري ويش حاجتها = اللي تحسب الشعر تزيين قيفانه
شله وصارت على الاعلام وجهتها = تاخذ دقاق الهروج وتترك سمانه
كثروا علينا وضعنا وسط عجتها = ومتذوق الشعر عنها رافعا شانه
تبغا تميز ورجتنا برجتها = والمخرج اللي يصور يضبط الحانه
ناساً هدوم الحيا بالرخص باعتها = ماكنها من ضروف الوقت وجعانه
برامجاُ تبتدي فالليل حزتها = على قناةً تخلط الشعر بالوانه
تبغا الدراهم تصلح شات شلتها = ولكل شاعر على الشاشات عنوانه
تطلب من الناس بالتصويت عيشتها = وترسل عليها ضعوف النفس عجلانه
بالله انا علموني وش علاقتها = بالنقد فالشعر ولا حبكة اوزانه
هذا يدل انها تبني تجارتها = من قطة فلان ولا قطة فلانه

وسلامتكم






ناصر بن محمد الحافي











..

[المايسترو]

صح لسانك يابن عمي

لاتحرمنا من إبداعاتك المتجدده

[عبدالرحمن الحمد]

صح الله لسانك يا ولد العم

وعز الله انك صادق

تقبل مني خالص الشكر والتقدير

[المـــاســي]

صح لسانك على هالكلمات الحلوووه

الف مبرووووووك عالمنصب الجديد " مراقب "^_^

[ناصر الحافي]

المشاركة الأصلية كتبت بواسطة المايسترو

صح لسانك يابن عمي

لاتحرمنا من إبداعاتك المتجدده

المايسترو صح بدنك لاهنت

[ناصر الحافي]

المشاركة الأصلية كتبت بواسطة عبدالرحمن الحمد

صح الله لسانك يا ولد العم

وعز الله انك صادق

تقبل مني خالص الشكر والتقدير

عبدالرحمن الحمد ياهلا ويامرحبا وتكرم ياولد العم عنهم



لك مني ارق التحايا

[ناصر الحافي]

المشاركة الأصلية كتبت بواسطة الماســــه

صح لسانك على هالكلمات الحلوووه

الف مبرووووووك عالمنصب الجديد " مراقب "^_^

صح بدنك وبارك الله فيك

[نايف مطلق بن مصيبيح]

أبن العم

ناصر

جزل وبيض الله وجهك

هذا حال الناس اليوم كلاً وده يبرز بي طريقه كانت

[الباشا الهلالي]

صــح لسانكـــ ياناصر

[الأكحل]

صح لسانك ويعطيك العافيه