رد على قصيدة الشاعر ضيدان بن قضعان .. الهنوف الي سرت من نجد

[سلمان عزيز]

السلام عليكم ورحمة الله وبركاته

رد على قصيدة الشاعر ضيدان بن قضعان

الهنوف الي سرت من نجد وامست بالحويه

وتم نشرها في مجلة المختلف العدد 95 & 96

الهنوف اللي تجاذّبهااللحون السامريه =منوة العشاق ياضيدان تمشي في هواها
وانت ياقيس الهوى شالتك ليلى العامريه=يوم شفت الناس تبدي غيضها جيت اتحداها
غلطة الشاطر بعشر وغلطتك ماهي غبيه =مبتدا الدعوى بيدك وعندغيرك منتهاها
البشر قامت تحلم يحسبون الشمس فيه=مادروا عن خطوة(ن)يعرف ثمنها من خطاها
والطموح اللي سرت مسرى المزون العقربيه=لاتخطب الإ أختها لوتعجبك بنت اقصراها
يختلف وجه الشبه ما بين ذيك وبين ذيّه=ما يفرق بينهن يا كود من يفهم نباها
لاتجازيها بحسنه لاتجازيها بسيّه=خلها تجلس على مقدارها بين اقرباها
لاتجي مابين حد السيف والا الحضرميه =انتبه من غلطة(ن) يدفع ثمنها من بداها
وانت ذيب(ن) يعرف الرعيان ويعرف الرعيه=من يشب النار يجذب يمه الساري سناها
لاتخاف الا من الغشاش ابو نيه رديه=انتبه من نية الجاهل ليا منه نواها
واحد(ن)ماينطح اهل الخيل لوبالبندقيه=بندقه لوشالهاللقوم ثارت في خباها
والضعوف اضعوف مايستاهلون المقدريه=والرجال اشنابها وقت الطلب تحما لحاها
ياعدو القوم ...ياراعي العلوم الاوليه=العلوم اللي على وضح النقا ماحد(ن)غواها
لايهمك ماورى النفس الفقيره والغنيه=بالشدايد ينعرف جود الاوادم من رداها
مايبيّن حكمها بين الضحا والا العشيه=عادة الايام ......والايام مدرجّة(ن) رحاها
من هجوس الشعرخاويتك بهجسي والحضيّه=النوايا الصادقه ماخاب في الطيب رجاها
نجدتنظرللحجاز ¤¤ وشددت قبلك طميه=عان مقلعها وجرتها وربك ما ماحاها
وان محت جرت طميه جزت من كل القضيه=والذيابه في الجبال الشاهقه يجذب اعواها
لاترجعنا على وقت الجهل والجاهليه=وانت في وقت(ن) يبذ النفس ويبيح خفاها
ودنا ننفعك نفعه شاذليه شاذليه=والله ان اوجيهنا ل ادخيلنا يذري ذراها
في نهار(ن)يطلب الفزعه خويا من خويه=من رجال في الطلب شرواك مايقصر مداها
كل طيب حاسبين لروحته والا مجيّه=عندنايسوى البحور السبع ودررها وماها
لعنبوا من يرخص المقدار مع سرج العبيّه=قلتها واقولها واكرم اذا غيرك نساها
ونجد ماهي نرجسيه يعربيه يعربيه=ماتناظر للهدا وطويق يطرخ في حماها
وعاشق(ن)ماورد العشقه على حوض المنيه=مانلومه لوتركهافي مكان ولالقاها
كل عاشق عشقته عنده لهاأوصاف(ن) بهيه=امنياته خطبته والفاتحه معهاقراها
قطعة الساقي خطا من دون الاوراق النديه=انقطع عقب الروى وشلون تشرب عن ضماها
امنياتي لك تعيش الحب وايامك هنيه=لين تكسب راحة النفس الشقيه عن عناها
مااحد(ن)لايمك لواعطيتها قلبك هديه=عاشق(ن)مايكرم العشقّه يجنب عن نحاها
ومايقلل من مقام اهل الوفا واهل الحميه=غيرخبل(ن) ماهدم بلدان قوم ولابناها
وانت تفهمها ولاتخفاك يازبن الونيه=مايغرك في زمانك مر دنياك وحلاها
ودام ياضيدان تعمل تحت حكم الداخليه=لاتروح تطرد الثنتين ماتمسك حداها
والختام بطيب عود ازرق وبريه نقيه=لعنبوحي القصايد وش وراها وش وراها

الشاعر سلمان عزيز الحافي

[بدر الحافي]

الشاعر الكبير _سلمان عزيز الحافي


صح لسانك

كم يعجبني ابداعك

الله يحفظك يابو راكان

[فيصل الرقاص]

صح لسانك والله يعطيك العافية

[[.. البدر ..]]

الشاعر / سلمان عزيز

.
.

في حظرت الكبار امثالك

نحن المتذوقين للشعر

فقطـ نقف كثيرا متاملين ماتخطه اناملكم

من ابداع يفوق الجمال جماااالاااا

صح الله لسانك مليون ومستقبل

جميل اتمناه لك

.
.

البدر

[الذابح]

الشاعر/سلمان بن عزيز’’’’’’’’’’’’


صح لسانك وبيض الله وجهك


ويعطيك ألف عافيه...........


تقبل تحياتي,,,,,,,,,

[احمد الزايدي]

الشاعر القدير// ابور كان


صح السانك وبيض الله وجهك


نص شعري رائع ومميز للا امانه


لك جزيل الشكر والتقدير

[المايسترو]

صح لسانك يالخال ، وبيّض الله وجهك يابو راكان

[ابن مشيب]

صح لسانك ودايما

مبدع الله لايهينك

[ناصر بن سعود]

صح لسانك مدد بلا عدد يابوراكان

جزل جزل

الله يعطيك العافية

واصل ابداعك يامبدع

احترامي وتقديري لك

[نايف مطلق بن مصيبيح]

كما عهدنا ابوراكان

الابداع

وكا عادته

الاختيار

ليتحفنا

بهذه الدره الثمينه

سلمت وصح السانك ابوراكان