[ اهداء ] اهداء للشاعر سعود سالم الحافي من منتديات قبيلة الحفاه

[بدر الحافي]

الحمد لله بانت النتيجة=وبان السمين وبين الهزيل
لله در الحق نوره ساطع=سناه يفضح خرمسي الليل
يوم الجوايز والقصيد وبدعه=وشعاره الي يصخرون القيل
من باب صنعا ليا شمال الاردن=ومن الخليج لغرب نهر النيل
هذا يغني بالغزل وطروقه=وهذا مدح مدحن طفح بالكيل
وهذا رثا وقته ويشكي ظروفه=وهذا بوصفه قارب التضليل
كلن على ليلاه ساق ركابه=يحط ولا فالحمول يشبل
ويومن كلن قال هذا منا=وهذا يمثل لابته تمثيل
حنا لنا سيفن ينومس حده=باتر وقاطع صارمن صقيل
في حده وسام الشرف وكنوزه=وفي سطوته تاريخ جيل لجيل
مصبوب بنصابه وجرمه واحد=ولونه تقول مشلهبه فتيل
من سلته لين يغشاه اخضابه=لفتة غزالن حازه الدربيل
اخذ من هلال الشهر ثلثينه=واخذ بعد من شعلة القنديل
وزنه كما الصاعين وسط غماده= واليا تجرد فاليدين ثقيل
ماينقله خطو الغشيم القاصر=ولا هاش به خايب رجا ذليل
ما شاله الا الصيرمي بذراعه=خطوا ولد سالم قوي الحيل
راع الكلام الي يجود بيته=ولا يقبل التبديل والتاويل
له هاجسن لافك منه قياده =تلقح به بكار القصيد الحيل
ومنتوجها عقد الدرر منضومة=في وصوفها برقن كشف مخيل
ولا كما كيفن يسوقه نشمي=يضرب خلايا المخ ريح الهيل
عيون القصيد مجملة من فكره=ليا تولى كحلها والميل
شاعر ويشهد له قصيده عني=غيري شهد للطيب الحلحيل
مثل قصيده فالنبي ومدحه=وهذي على كل الحجج دليل
شعره مقيم ووارثه عن جده=ماهوب رسن ناضحه قليل
ومعنزن شعره كريم انسابه=خاله على الشعار مثل سهيل
نسل الرجال اهل الكرم والطالة=واهل القنا والسيف واهل الخيل
واهل النفايل والكرم وبيوته=درع القبيلة ظلها الظليل
عيال مروي وان ذكرت جدوده=اهل الشداد معدلين الميل
الاد حافي عز راسي تاجه=بيتن يجي لي في حجاه مقيل
افخر بهم واشوش وانا منهم=والي ذكرته لاجلهم قليل

الشاعر \ بدر الحافي

[نايف مطلق بن مصيبيح]

مشاء الله

بدر صح السانك

على هذه الدره الثمينه

والشاعر / سعود سالم الحافي

يستاهل هذي وكثر

وان شاء الله يتأهل

ولا يرجع بأذن الله من دبي الا بالبيرق


تقبل تحياتي واحترامي

[ناصر بن سعود]

الله الله

صح لسانك يابدر

قصيدة جزلة

ويستاهل الشاعر سعود الحافي

الله يوفقه ويرجع بالبيرق ان شاء الله

يعطيك العافية

ولاهنت

[ابن مشيب]

صح لسانك والله

يوفقها انشالله

[سلمان عزيز]

صح السانك يابدر دايم سباق للعلم الطيب ولاعليك زود في مدحنا
وخاص البيت اللي يخصني خاله على الشعار مثل سهيل

[مهموم222]

صح لسانك اخوي بدر
قصيدة جزلة وليس غريب عليك ياقلبي تمنياتي لك بالتوفيق,,,

[بدر الحافي]

ابو راكان(ابو الجميع) الشكر موصول لك على كل الاحوال على الي سويته والي تسويه وما اقول الا لا خلا ولا عدم
++++++++++++++
ذيب شعر الله يحفظك والجزالة منك ولك
++++++++++++++++
ابن مشيب وجهك ابيض الله يرعاك

[بدر الحافي]

الشاعر الكبير والاخ القدير سلمان عزيز

الله يرعاك وانتم تستاهلون وكل الطيبين

والبيت الي ذكرت مايوفيك حقك اي والله انت شاعرنا في كل الاحوال


نعم بالخال والبناخي


والله يوفق سعود لانه يمثلنا

ومن هذا الصرح ادعو الجميع لمؤازرته والوقوف معه

[بدر الحافي]

مــــــــــــــــــــــــــهموم

يسلم قلبك من كل هم
صــــــــــــــــــــــــــــح بــــــــــــــــــدنـــــــــــــــــــــــــك

[الروقي2]

مشاء الله عليك وصح لسانك الله يعطيك العافيه