سلام ياعتيبه

[عقاب بن سقيان العتيبي]

القصيده

سلام ياعتيبه سلام من الراس =لكم مخصص مايجوز اختصاره
اغلى من اصناف النوادر من الماس=في جيد من يزهى الحرير وحماره
راعي هدب نجل وسيعه ونعاس=عين اشقر فيه السطر والجساره
تحيه بنيت جديده على ساس=ماهي قضاض قد تهدم جداره
بنيتها بني على الساس بقياس=عرف ومعه بخص قديم وشطاره
تحية لاللي على قب الافراس=شادوا بنجد اوطان غصبا واماره
هيلا هواها الجود والجود نوماس=ياحي نجد وحي من هي دياره
ذباحة الحايل هل العزم والباس=لياجا نهار ما يهون غباره
والخيل كدت واعتزى مثل عفاس=يبطي حفيد الشوخ ما شب ناره
جوها ضحى جمع نزل وارهب الناس=احد نحوه يمين واحد يساره
ماعاد لاحد بنجد هقوة ومنكاس=لوطق من كبر الغباين زراره
بالسيف سدنابه والارياق يباس=ماجاء لنا فيء بليا خساره
سقنابه اللي يلبس الدرع والطاس=لطامة العيال لاجات غاره
واليوم عدل ونعمة مالها قياس=حكم سعودي ورفاه وحضاره
في ضف ليث تضرس نيوبه اضراس=سلمان نجد ومن وقاره وقاره
علم صغير وفاز واليوم قرناس=من يوم اخو نوره تهاذب مهاره
رجل دروبه للرياجيل دراس=قسمه من الجزل السنام وفقاره
بالسيف ماجتهم شفاعه بقرطاس=بفعل على العدوان حيفه وعاره

شعر / عقاب بن سقيان العتيبي

[الملفي]

صح لسانك يا شاعر

ويعطيك العافيه


تحياتي لكـ

[سلمان عزيز]

صح لسانك مليون

[نايف مطلق بن مصيبيح]

صح السانك

وبيض الله وجهك

جزل مايجيب الا الجزل

تقبل تحيتي

[مرزوق الحافي]

صح السانك

وبيض الله وجهك

[ابن مشيب]

صح لسانك والله

يعطيك العافيه

[ابن وافي]

صح لسانك يا عقاب


ماقصرت



مودتي




ابن وافي

[أبوريشه الحافي]

صــــــــح لسانـــــــــــــك


الشــــــاعــــــــر / عقاب

يعطيك العافيه


لاهنت

[عقاب بن سقيان العتيبي]

الأخوه الأعزاء
الملفي
سلمان عزيز
ابو راكان
مرزوق الحافي
ابن مشيب
ابن وافي
ابو ريشه الحافي

شكرا لكم على مروركم وصحت ابدانكم ياساده..........

بالنسبه لأبو راكان((رسالتك وصلت وانا لي الشرف وكنت اتمنى ان ارد عليك برساله خاصه ولاكن النظام لم يسمح لي))...............................
اتمنى لكم التوفيق دائما..............................

[ناصر بن سعود]

صح لسانك ياعقاب

واعتلى شانك

قصيدة جزلة

يعطيك العافية

ولاهنت