الخريـــــــــــف

[صخر الحافي]

سجيت في نسج الغرام الخافي=امشي معه والفكر فيه احتار
بحره كما بحر الخريف الدافي=وعمقه براد وطال بي المشوار
مريت في سنينٍ طوال عجافي=من عقب ماكان الفؤاد أنهار
جف الفؤاد وزاد في اجحافي=اطبخ على ملة سعير ونار
هذا الزمن جافي ولاهو جافي=بركان خامد مااصعبه لاثار
اوهو كما منجم ذهبها صافي=ماتامنه لوهو عليك إنهار
قسمت انا مر الزمان اصنافي=وميزت انا جور الزمن لاجار
صنفٍ شبيه بضربة السيافي=ووصنفٍ كماضرب المرا بحجار
وصنفٍ كما مركب ببحره طافي=يغرق ببطء ولادرى البحار
وصنفٍ ثقيل يوطي الاكتافي=من ثقل حمله طاح منه جدار
من شاف بالدنيا ترى ماشافي=ماشاف منها ماورى الاسوار
لوهو يشوف اقفى ومنها خافي=كانه من اول من حمام الدار
عج الدهر يردم وراه السافي=يركم ووقتٍ غاشيته غبار
وأختم عسى قلت الشعر بانصافي=هذا الزمن داير وبه دوار

[ناصر بن سعود]

صح لسانك واعتلى شانك

وبيض الله وجهك

قصيدة جزلة

الله يعطيك العافية

ولايهينك

تحيتي

[الروقي2]

الله يعطيك العافية يا صخر على القصيده الجزلة مع تحياتي لك...................؟

[ابن وافي]

صخر



صح لسانك يالغالي



مدودتي

[زبن بن غالب]

هذا الزمن جافي ولاهـو جافـي
بركان خامد مااصعبـه لاثـار

صدقت وصح لسانك يا بو نايف

صخر هذا من ضرب الخطوط كل يوم

[مرزوق الحافي]

بصراحة قصيدة رائعة ومميزة


من شاعر متمكن


صح لسانكـ ياصخر

[مواطن سعودي]

صح لسانك ياابونايف

ماهي غريبه منك القصائد الجزله

ابوك نايف

وعمك خلف

في انتظار الجديد

[نايف بن مزيد]

صــخــر ..........

صـــح لســانــكــ واعتــلا شــانــكــ ..............

[صخر الحافي]

الله يعافيكم وصح ابدانكم واشكركم على اطرائكم الجميل

[سلطان الحافي]

صخر


صح لسانك وعتلا شانك


مبدع

يالذيب


مودتي,,,,