الوســـم

[صخر الحافي]

فالسما برقن يلوح وخاطري بالجو طايب=جعل ربي يجبر الخاطر بشوفة من يحبه
ياحلو عقب الوسم هب الهوى ورجع السحايب=لاتثنى العود الاخضر من هوا جا من مهبه
ادري اني بالعنا من عقب فارقت الحبايب=مايروح الهم عني ولايضيّع فيّ دربه
قلت ياماجد يعيب الرجل لاكثربالنحايب=اثرني مخطي بطريقٍ من بلا الحظ انخرطبه
عن هوا المجمول والله ياعرب ماني بتايب=وادري ان القلب معها شالته فوق و هوتبه
يابشر قولوا كلامي بلغوا حاضر وغايب=كل وادي له بمجرى اتركوا روحن جرتبه
له مكانن بالحشا وفي داخلي ناخت ركايب=من ملكني وامتلكني ولاني بها اليوم قربه
احتمي باللي خلقني من عنا كل المصايب=والله اني قد كرهت العيش مالي اليوم رغبه
هو ذبحني فالغياب وثمن السبع العجايب=في بعاده قد ذبحني حالتي بالحيل صعبه
في زمن قاسي عليّه عايش بدنيا الغرايب=في جنوب الوقت عبره وفي شمال الوقت غربه
به ختمت الشعر حبه ماندفن تحت الترايب =كل ماشفت السحايب ناح قلب اللي انولعبه

[سلمان عزيز]

صح لسانك مليون هاذي القصيده

[نايف بن مزيد]

صــح لســانــكــ ...يــالذيــــب ..............

[الروقي2]

صح لسان الشاعر صخر الحافي

قصيدة جزلة وطيبة

الله يعطيك العافية

ولايهينك

تحيتي لك........................

[سلطان الحافي]

الله الله

صح لسانك

ياصخر

مبدع وجزل

مودتي,,,,

[ناصر بن سعود]

صح لسانك ياصخر

قصيدة جزلة من شاعر جزل

يعطيك العافية

ولاهنت

تحيتي

[صخر الحافي]

الله يعافيكم ويمد باعماركم شاكر لكم ومقدر

[بن كليفيخ الوافي]

صح لساااااانك قصيده جزله

[صخر الحافي]

ابن كليفيخ شاكر لك مرورك 0000000000000000000000

[’’ بعـيــد المرامـيــس ’’]

كبير يابونايف قصيده جزله من شاعر جزل


تحياتي لك