كريم العطايا

[أبو جندل الرقاص]

هذه القصيده كتبتها في الشيخ ( فيحان بن مطلق الرقاص )

أحد شيوخ قيبلة الحفاه وهو رجل يستحق المدح والثناء ..



يابيوت الشعر كفي كل قولاً نبتدي به

واذكري فعل الرجال اللي لهم قدر ومهابه

الرجال اللي ليا جات المهمات الصعيبه

يرتكون الها كما الضلع الذي كلاً يهابه

وخص بالذكر الكريم اللي سطع جوده وطيبه

الكريم اللي في طيبه للقبيله مايجابه

وأشهد ان ابو محمدكل عزاً من نصيبه

مجلسه فاتح لضيفان الشحم ماصك بابه

أن لفاه الضيف يبشر بالعشاء ماهي غريبه

فالكرم طلق الحجاج وفالطلب سمحاً جنابه

وأن حصل وأن جاه ضيف من القبايل ملتجي به

مايخيب اللي نصاه من العرب والا لجابه

يوم حانت ساعة ( الهيلا ) عرفنا وش يجيبه

الحميا عند ابن مطلق تكفي بالاجابه

أجتمع شمل الحفاه وصار لصيوان هيبه

أرتكت ربعه معه والصعب مايحسب حسابه

يفتخر بفعول ربعه والقبيله تعتزي به

كاسباً قول ونعم نسمع بها مع كل لابه

راقب الله في حياته واحتسب والله رقيبه

باذلاً للخير معطي للبعيد وللقرابه

أدري أنه مايبانا نمدحه من زود طيبه

مير والله لمدحه وافخر واعد اللي مشابه

وأفتخر بالي يعزون الكلام اللي نجيبه

الرجال الوافيه لن جات فالدعوه طلابه

شاعراً مايفتخر بفعول ربعه ويش لي به

وش يفيده مدحه ليا صار ماكمل نصابه

من بغا يمدح بني عمه تراها ماتعيبه

لايخلي مدحه لشيخاً مقفي مادرى به

وختمها ذكر الله المعبود لازم ننتهي به

يالله انك تنصر الأسلام وتوسع جنابه

[سلطان الحافي]

ابو جندل


بيض الله وجهك

على النقل الرائع

والله يرحم الشاعر العلم فيحان الرقاص


مودتي,,,

[ناصر بن سعود]

صح لسانك واعتلى شانك

قصيدة جزلة

يستاهل المدح الممدوح

الله يطول بعمره ويحفظه على طاعته

لاهنت

ويعطيك العافية

[محمد الصقري]

صح لسانك

وبيض الله وجهك


ننتظر جديدك


مسائكم سكر

[محمد الصقري]

صح لسانك

وبيض الله وجهك


ننتظر جديدك


مسائكم سكر

[الروقي2]

صح لسانك
والشيخ فيحان يستاهل

[بن مروي]

بيض الله وجهك



تقبل تحياتي



اخوك بن مروي

[نايف بن مزيد]

صــح لســانكــ ...........

[أبو جندل الرقاص]

أشكركم جميعا على المرور

والله لايهينكم يابني عمي

[نايف مطلق بن مصيبيح]

والله ونعم بالشيخ فيحان بن مطلق الرقاص

ويستاهل المدح

وصح السانك

وبيض الله وجهك