سعد بن عماش بن خرصان الحافي

[شلوة الكفار]

السلام عليكم ورحمة الله وبركاته


هذه نصيحة للشاعر سعد بن عماش بن خرصان الحافي العتيبي رحمه الله
توفي عام 1397هـ

بديت باسم الله على كـل مـا بــــــــدا = علام ما تخفي العرب في صدورهــــا
سامع دبيب النمل فـي ليلـة الدجـــــــا = وعلام ما في برهـا مـع بحورهــــــا
يقول بن خرصـان فـي رأس قنـــــــه = فـي قنـة عـدى بعالـي وكورهــــــــــا
فـي قنـة عـدى بعالـي حجاهــــــــــا = لعـل ودان السـحـاب يـزورهـــــــــا
فكـرت بالدنيـا و أفكـرت بأهلهــــــــا = وكم عاقل يشكي العطب من خطورها
همي ما هوب القبر والموت والفنـا = همـي لهيـب كايـدات أمـورهــــــــا
لا زينو قبـري وعصبـت بالكفـــــن = فـي حفـرة كـل العبـاد تزورهــــــا
مشيت في الدنيـا ولـد ثـم شايــــــب = وأعرف معادي بومها مع صقورهـا
أوصي لبيب القلب وأوصي عيالـي = وألا ترى الدنيـا قريـب عبورهــــــا
أوصـي بتقـوى الله وسنـة نبيــــــه = والناس بتقوى الله يشرح صدورهـا
والعلم يرفع مستوى الرجـل للعـلا = وفي كل يوم تاجـد العيـن نورهــــا
ثم عقبها يا حـظ مـن بـر والــــــده = قـدم المنايـا يطرحـن سبـورهــــــــا
أوصيك يا ابني لا تضيـع وصاتـــي = من واحد شـاف الليالـي وجورهــــا
حاذور من ولـد البخيـل ومنسبـــــه = لو كان بنته يجحد الشمـس نورهـــا
يجـي ولدهـا مثـل جـده وخالـــــــــه = ضنوة فلس وش عاد يبري حرورها
لا تأخـذ ألا بنـت قـرم مـجـــــــــرب = تعينك على عسر الليالـي بزورهـا
ولا تصاحب ألا كل رجل صميـدع = وشيخ يقود أسودهـا مـع نمورهــــا
ليا جاك نكبه فـي زمانـك يســـــرك = وألا الثعالب مـا تعـدى جحورهــــا
ومن أبداك في سده احـذر تخونــــه= لو ضربته بعضاك تشكي كسورهـا
تضحك معه وفي الغيب تكشف خفيه= يا شينها في السلم يا كبـر عورهــــا
السـد لـلأجـواد رأس الأمـانـــــــــة = لو جاتك الأنـذال ترمـي بشورهــــــا
ترى الهـزالا فعلهـا مثـل رأيهـــــــــا = يوم المراجل مع خمايـس نقورهــــا
وترى الدجاجة لو يطـول جناحهـــا = قريـب ميقاعهـا مـن طيـورهـــــــــا
وترى النشاما فعلهم حـزة الكـــــرب = ليا صر جندبهـا وحامـت نسورهـــــا
وبعض النشاوي حلية الوادي الفحـل= ترتع به العربان وترعـى نشورهــــا
وبعض النشاوي نشوتـه مـا تفيـــــده = مثـل عجـوز ناقصـات أمورهــــــا
وبعض النشاوي ما يفيد ألا الـــردى = سوات كلـب القـوم دون جزورهــــا
وليا وليت الخصـم حـاذور تافـــــره = خيار المعاني كيهـا فـي نحورهــــا
تراه لو يـا لاك طـــــوا بـك الوطـــــأ= ونكبك نكبـه مـا تحسـب نذورهــــــا
ألا ليـــــا زاروك ربــع عـــــــــوارف = على طريق الصلح وكفة شرورهـا
اتبع طريق الصلح وتكسـب جمــــيلــه = ليا راحت الأجواد تبـدي سرورهــا
ومن خاف من ربه رقيبــــه يحاسبــــه = فالجنـة العليـا وينعـم بحـورهـــــــــا
هذا اقتراحي فـي زمانــــي نظمتـــــه = تجارب الدنيا بعـد شفـت دورهــــــا
يا سامعين القيل صلوا علـــى النبـــي = شفيع الورى يوم البعث مع نشورهـا

للشاعر سعد بن عماش بن خرصان الحافي

[الباشا الهلالي]

ماشاء الله روعه هالقصيده

[ناصر الحافي]

رحم الله الشاعر سعد بن عماش بن خرصان الحافي


اخوي شلوة الكفار اشكرك جزيل الشكر على الانتقاء الطيب

[مرزوق الحافي]

تسلم

يمينك

والله يرحمة

[طالب الحور]

الله يرحمكـ يابن عماش

باركـ الله فيكـ شلوة الكفار

[بدر الحافي]

الله يرحم الشاعر وبارك الله فيك