فلسطين العرب000000

[صخر الحافي]

يامشاعر استفيضي وارقي العالي سنود=وياخفوقي لك هجوس الشعر قام من الرقاد
ويازهور القلب غني وانوري عقب الركود=وارتوي من نهر صافي فيه نفح من البراد
لاتلومون المعنى لانعدم فيه الوجود=وكيف يسلم من غشاه الليل وادناه السواد
كان من قال الحياه سهود يتبعها مهود=مايفكر فالحياه و كن نفخك في رماد
الحياه اطوار تدني ولاصفتلك جات زود=ومن زرع فيها حصد والعلم في وقت الحصاد
السنين الماضيه تعطي من الحكمه عدود=كل مورد عد فيه من النصايح والرشاد
والشغف بالعيش يعمي دامه بليا قيود =والخطا لاصار يُرجع مايفيد به العناد
الكفاح لقمة العليا تبي منك الصمود=ومن تزل ابه القدم يهوي ويقام أله الحداد
لاتحسبن السحاب اللي سمعت به الرعود=ماطره لاهل يسقي وترتوي منه البلاد
المطر في غير حله شر ماهو بمحمود=مايفيدك شي منه ولاحدن منه استفاد
العبر في ضربها ترسم لصاحبها حدود=ومن سمعها واعتبر يضرب من الطرقه عماد
ومن تجاهلها يشوف الكيد وانواع السدود=في زمانن يردي الهقوه وفيه الذل ساد
يافلسطين العرب رحتي مواطي لليهود=ليش صفك مااجتمع عقب التفرق فيك عاد
البلا مايجتمع شعبن سيادته القرود=سلطتينن في بعضهم نشبتن مثل القراد
سلطتن تلعب على الحبلين وتلطم بالخدود=ماذبحها الا الخيانه وكثر نومن بالمخاد
وسلطتن فيها الخداع الباطني قول الشهود=الشهود الشعب راح وكل ماابنوه الهداد
قال قبلي صاحبك لو حي جاوبك الردود=لكن الصاحب قتيل وصار للتربه سماد

[عطاء بلاحدود]

عيني عليكـ باردة يالغالي..

ماشاءالله تبارك اللهـ...

حقيقة قصيدة عنووانها الجمال..

وتشكر على هذه البادرررة..

فلسطين بحاجة ماسة..


حتي لو باقلامنا لان ليس بوسعنا الكثير لنقدمه..


وفقت يالغالي واتمنى ان تعجب الجميع..


بانتظار جديد تنثررهـ...


مع حبي..

[نايف مطلق بن مصيبيح]

صخر

صح السانك

وبيض الله وجهك

[صخر الحافي]

عطاء بلا حدود
ابو راكان

الله يسلمكم ويعافيكم وشاكر مروركم

[بدر الحافي]

صخر الحافي
سجل اعجابي الكبير بهذه القصيدة الثمينة
صح لسانك والله

صـــــــــــــــــــــــــــح لــــــــســــــــــــــــــــــــــانــــــــــــ ـــك

[ناصر بن سعود]

صح لسانك ياصخر

قصيدة جزلة

من شاعر جزل

بيض الله وجهك

والله ينصر اخواننا الفلسطينيين

على من عاداهم

تحيتي

[مواطن سعودي]

صخر الحافي

اعجابي الشديد بكم اولا وبهذا العطاء الرائع

وهذا ليس بغريب عليك

فاابوك نايف وعمك خلف

اجمل تحياتي..............

[الروقي2]

شاعرنا / صخـــــــــر
لاهنت على هالمرورك الكريم
تقبل مني خالص الشكر والتقدير والله ينصر اخواننا الفلسطينيين

على من عاداهم

[حامد الروقي]

صح لسانك وبيض الله وجهك


تحيه طيبه

[نايف محمدنايف هذال الحافي]

عـــــــــــــــمــــــــــــــــي


صح لسانك يالذيب

والله يعطيك العاافيه

ماهي غريبه عليك ,,,


تقبل تحياتي