حصرياً شيلة خيوط النهار للشاعر سلمان عزيز بصوت متعب الحافي

[ناصر بن سعود]

السلام عليكم ورحمة الله وبركاته

صباح / مساء الخير على الجميع



خيوط النهار

للشاعر الكبير / سلمان بن عزيز الحافي

بصوت المبدع / متعب بن ناصر الحافي

مابين شحّ العواطف.. والبطا والغياب = حان اللقا.. لويذوب الشمع ماكبّها
وقف لك العَود فرحة طفل والراس شاب = في موقفٍ فزعة الرجَال .. يطلبْ بها
حيّا الله الصبر..لوبيني وبينك عتاب = احباب حتى صحاوتنا نغيّب بها
الجو بارد وراس طْويق يفتل ضباب = بعثر شراره وذاب الثلج في لبّها
الليل سرمد على وجه القمر ياسحاب = رقّص نجوم الظما في البرد والعب بها
أبرسم الحلم للعالم بوجه السراب = قبل آتخطرى اجنحة قمراك واقرب بها
اسمع سؤالٍ يبي له منْك كم من جواب = اجمع على شانه الأمثال .. واضرب بها
وين ارْحَلَت فرحة ايامي بعزّ الشباب = ياظامي الوجه مالك حق تلعب بها
تكفين حنّي لمن حبّك حنين الركاب = قبل انكسر في مرايا الليل واقلب بها
شفتك شعاعٍ به الليل انصهر لين ذاب = اثره يغازل طعون طْويق من حبّها
ينشر خِيوط النهار بْلون بيض الثياب = ايقظ طيور الشجن لين صْدَحَت نّبها
سمّي..وهمّي..ودمّي..صفحةٍ من كتاب = ضحكه..ودمعه..ونقطة دمّ تكتب بها
العمْر بين الأصابع بالعدد والحساب = أيام الافراح ..والاْحزان ..يحسب بها

للتحميل ماوس ايمن وحفظ الهدف بأسم

آمل ان ترتقي لذائقتكم

دمتم بود

[سلطان الحافي]

ابو سعود


كما عهدنا

ذيب على اسمك

وبيض الله وجهك

وسلم

متعب

والله لايهينه

ولايهينك

وجعل عمركم يطول

مودتي,,,

[ناصر بن سعود]

سلطان

اشكر من قلبي على هذا الاطراء الجميل

وتواجدك هنا شرف لي يالغالي

لا خلا ولاعدم

كل التحايا لك

[نايف بن مزيد]

لاهــنت يــالذيب علــى مــاقدمــت........

[ناصر بن سعود]

ولا انت يالقناص

اسعدني تواجدك هنا

كل التحايا والتقدير لك

[راكان بن مروي]

ابوسعودتسلم وصح لسان ابوي ويسلم متعب

[شباب الحافي]

صح لسان الشاعر / سلمان
بيض الله وجهك يابوسعود
وجه متعب
ولكم تحياتيييييييييييييييييي

[ابن مشيب]

صح لسان ابو راكان

وكذلك متعب يسلم

والله يعطيك العافيه

[hafi511]

يعطيك العافيه

وصح لسان الشاعر

تقبــل مرروري

[رايد الهديبي]

الله الله

قصيده رااايعه

وصوت راااايع

ولاهنت ياذيبان

وبنتظار المزيد