الجرح0000

[سلمان عزيز]

خل الرديف يشوف غاية رديفه=ترى مشاوير الزمان اخذلتني
جربتها مرّ الحياه الكليفه=ياهل ترى غبر الليالي وطتني
وشلون تحرق حلم بااول مصيفه=قبل الربيع وقبل حتنه وحتني
لايمكن آقف ْ وانقطع فالنصيفه=دام الاماني في طريقك رمتني
أبااعشقك قصة غرام(ن) امخيفه=أمّا عطتني منك والا خذتني
عشق(ن)عمْا مابه عيون(ن)كفيفه=حشمه لْخرس(ن)بالنظرصوبتني
يكفيك جرحك طاب باول نزيفه=وانا تباشير البروق اجرحتني
كلي اجروح الاّ مواقع خفيفه=وآخطر جروحي من ضلوعي لمتني
صوبتني بالقلب اصابه عنيفه=قبل الحياه ابموتتي هددتني
أول جمال الحور وانتي وصيفه=مشاعري عن مركزك علمتني
لوتختفي صم الجبال المنيفه=صورتك للعلم الصحيح اجبرتني
تجملي يام الضلوع النحيفه=ترى مسافات العطش قدمشتني
واستقبلي هيض النفوس العفيفه=وانا أغلي الحاجه أذا ناسبتني
سلم الشرف واهل النفوس الشريفه=سلمي وسلم الديره اللي ربتني
في هاجسي مزن(ن)تزاحم رفيفه=سحابة(ن)من غيثها ماسقتني

[نايف مطلق بن مصيبيح]

بيض الله وجهك

جزل ابو راكان

نحجز مساحه

انتظرنا

[سلمان عزيز]

هلا بابوراكان الله يحييك

[ناصر بن سعود]

لوتختفي صم الجبال المنيفه....صورتك للعلم الصحيح اجبرتني

صح لسانك مدد بلاعدد

قصيدة روعة روعة روعة

الله يعطيك الف عافية

كل التحايا والتقدير

[جهز بن جعيلان]

أبااعشقك قصة غرام(ن) امخيفه
أمّا عطتني منك والا خذتني
عشق(ن)عمْا مابه عيون(ن)كفيفه
حشمه لْخرس(ن)بالنظرصوبتني


الله الله
لله درك ياابو راكان
قصيدة جزلة
يعطيك العافية

[نايف بن مزيد]

احــــرق يـاشنب
انــا اتــوقــع ان في القصيــدة ســـر....

ابــداع يــابــو راكــان...
لاتحــرمــنا جديـــدكــ...........

[صخر الحافي]

سلمان بن عزيز=صح لسانك

[عطاء بلاحدود]

ماشاءالله,,,


الجزيل لاياتي الا بالجزيل..


صح لسانك,,يابو ررراكان,,


نتررقب جديد تنثرهـ’’



العــــــــــطاء مرر من هنا..

[بن كليفيخ الوافي]

بيض الله وجهك يابوراكان


صح لساانك

قصيده جزله

سجل اعجابي بك

[الجرح الثقيل]

بيض الله وجهك

ابو راكان

قصيده رائعه من شاعر لايشق له غبار

مشكور على ماقدمت