حنـــا عتيبـــه

[عبدالرحمن الحمد]

	مدح في الشيخ / سعود بن عبدالمحسن التوم العتيبي اتمنى أن تليق في مقامه سلامي عطر الورد اشكال واصناف = يسري من الوسطى إليـن الحويـه ابيات مني تتحف النفـس إتحـاف = لامن صفى إللي بالضمايـر خفيـه ياما تشوف ارجال اشكال واصناف = عمرك ابد متشـوف انامـل سويـه تلقى التخالف بالمذاهب والاوصاف = في الطبع بين الصايبـه والخطيـه في ربعنا ماقيل : هايـب وخـواف = عند الشدايـد كـل قـرمٍ ضحيـه قبيلةٍ ترقـا علـى راس مشـراف = تاطـا العـدا يـوم النوايـا رديـه وإن كان للخاين نوايا على اتـلاف = يصيـر لنيـاب الذيابـه ضحـيـه دام الذي يرعى الخطر شيخ مايخاف = تلقى الشجاعه تنحنـى عنـد ديٌـه اميرنا إللي بسلـة السيـف نسـاف = طيّر رقـاب اضـداد نفـسٍ شقيـه شيخٍ يقود ارجال اسـلاف اسـلاف = قـرمٍ لـه الابطـال مثـل المطيـه شيال صعبـات الثِقايـل بالاكتـاف = به يندعي علـى العـدا والخطيـه زعيمنا فيه العرب تضرب اوصاف = كم شيـخ طالـب فزعـةٍ بالحميـه جزلٍ ياشيـخٍ بالكـرم دوم غـراف = سعـود يمـلا كـل يــدٍ خلـيـه نعاهـدك حنـا الصناديـد بشعـاف = حنا الفشق وارمي علـى البندقيـه حنا قبيله مابهـا نقـص وخـلاف = حنـا مواثيـق الشـدايـد قـويـه حنا الكرم إليا على البيـت هـداف = حنا هل الجود إللي متشـوف زيـه حنا هل المجد إللي يرجح بالاكفاف = ( علام مايخفـى عليـك وعليٌـه ) (حنا عتيبه) حنا رعـدٍ بالاعصـاف = حنـا زلازل للـعـدا والخطـيـه شاعر أنا ولد الحمد اصخر القـاف = ياقف جنابه لـي ويضـرب تحيـه في ربعنا متشـوف فعـلٍ بتزيـاف = حتى لـو الحسـاد جونـا سويـه وترى الذي يخطي مهدٌد بالاحساف = يصيـر لنيـاب الذيابـه ضحـيـه دام الذي يرعى الخطر شيخ مايخاف = بان الرداء بوجه العـدا والخطيـه

[الأكحل]

شاعر أنا ولد الحمد اصخر القـاف
ياقف جنابه لـي ويضـرب تحيـه

والله ونعم فيك وصح لسانك يا شاعرنا
بس ابي اسئلك ليش ما شاركت في شاعر المليون اتمنى انك تجاوبني اذا ما تتحفظ على الاجابه

[عبدالرحمن الحمد]

الأكحل
صح بدنك يا ولد العم ونعم في حالك يطولي عمرك
بالنسبه لـ سؤالك يطولي عمرك
والله يا الغالي ما اتوقع إني قد المواجه هذي
بالرغم من التشجيع اللي جاني من اصدقائي واقاربي لكن
انا امشي على المقوله إللي تقول ( رحم الله امرئ عرف قدر نفسه )
اشكرك على مرورك الكريم والرائع
تقبل مني خالص الشكر والتقدير
مع التحيه

[رياح الشوووق]

الله يعطيك العافيه اخوي عبدالرحمن بصراحة ابيات ولا اروع
تقبل تحياتي يالدحمي

[ناصر الحافي]

صح لسانك ياعبدالرحمن


يعطيك العافيه

[المايسترو]

صح لسانك ويستاهل ولد عبد المحسن

لاهنت وبيض الله وجهك

[نايف مطلق بن مصيبيح]

أخوي عبدالرحمن الحمد

صح لسانك

ويستاهل الشيخ / سعود عبدالمحسن

بارك الله فيك

[الباشا الهلالي]

يعيطك العافيه
ويستاهل المدح فيه

[عبدالرحمن الحمد]

المشاركة الأصلية كتبت بواسطة رياح الشوووق

الله يعطيك العافيه اخوي عبدالرحمن بصراحة ابيات ولا اروع
تقبل تحياتي يالدحمي

اررحب يا الذيب
اشكرك على هذا المرور الكريم والرائع
تقبل مني خالص الشكر والتقدير
مع التحيه

[عبدالرحمن الحمد]

المشاركة الأصلية كتبت بواسطة ناصر الحافي

صح لسانك ياعبدالرحمن


يعطيك العافيه

ناصر الحافي
صح بدنك يا بعدي
اشكرك على هذا المرور الكريم
تقبل مني خالص الشكر والتقدير
مع التحيه