يامعرض قلب الاحباب لدرب الطويل

[نايف بن مزيد]

سلاااااااااااااااااااااااااام

اليوم انثر بين ايديكم احدى روائع المبدع حامد زيد

قصيده مشهوره جداً وانا شخصياً لا امل من تكرارها

وهي بعنوان

’’’’’’’’’’’’’’’’’’’’’
اربع خناجر
’’’’’’’’’’’’’’’’’’’’’

مشكله لا جات حاجتك بيدين البخيل
مايفكك لين تدفع كثر مايدفعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

ومشكله لا ضاق بالوقت رجالً ثقيل
يطلب احبابه وعيا زمانه ينفعه

ليت ربي مايحاسب خليلً من خليل
دام مال الحظ فزعه وللوجه اقنعه

ودام مال العذل تالي ومابالحيل حيل
الغلا سماً نذوقه ومرً نجرعه

نحتري فيه القا والحصيل هو الحصيل
مثل حلماً ماتحقق وعيت اقطعه

كني اللي حط بشفاه من جمر المليل
لا قدر يرميه للناس و ازرى يبلعه

والظروف اللي حدتني لنيران وفتيل
عرضت دمع المحاجر لشيً يجزعه

والمدامع بالغلا لا تحال ولا تحيل
والمشاكل كل ماجات جات مجمعه

اعذلوني عن هوى النفس وعيوني تخيل
في حبيب ٍ ماتركته ولازلت اتبعه

مغرم في حب مثله ولا ارضى له بديل
عيني تشوفه وقلبي يجوع ويشبعه

ذاك كل مازان بالي وطالعت النخيل
ماذكرت الا ثباته بوقت الزعزعه

ماهو الاقطعة من حشا قلباً عليل
وماني الا قطعة منه مخلوقً معه

لا جميل شفت قبله ولا بعده جميل
العذارا رهن رمشه وانا رهن اصبعه

والله انه لو طلبني اطلوع المستحيل
لا اطلعه منيه مناك يعني لا اطلعه

ماعلي من الملامه وهرج الهبيل
مشجع الرجال لا ثار غيره مشجعه

في عيون اللي عشقني ولا جاني هزيل
الله اللي حط عشقه بقلبي وزرعه

لو سكت ينطق له الصم والدنيا تسيل
وان حكى لو يمشي المزن ياقف يسمعه

سلسبيل من شفاته يخالط سلسبيل
معمعه بسكات واحلا سكات بمعمعه

ماهقيت ان اكثر الليل يمرح بالجديل
لين شفته شوف عيني بكفه يرفعه

وان حيت ومابقالي معه ياكود ليل
لا اسهره بأول غروبه وموت بمطلعه

والله ان العشق جمره وطاحت بالشليل
وان حصل ماطاعك الوقت بحبابك طعه

من هو اللي علم عداي نكران الجميل
ومن هو اللي خان خلي وحاول يقنعه

كل عاذل ردني عنك يالطرف الكحيل
ياعسى الله يقلعه ياعسى الله يقلعه

يامعرض قلب الاحباب للدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم اتعذلون خفاق بعيون العديل
مارحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله بمشكله متجمعه

مشكله لا خانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك مايبرد غليل
لا ترده طيب كلمه ولحدً يمنعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

’’’’’’’’’’’’’’’’’’’’’’’’’’
وسلامتكم

[ناصر بن سعود]

وانت سالم

مسكين يالقناص

الله يكون في عونك

اذا انت ترددها على طول اكيد متأثر فيها

صح لسان حامد زيد

كل التحايا والتقدير لك يالقناص

[الذابح]

القناص’’


شكرآ على نقلك الرائع...

[سلطان الحافي]

القناص

يعطيك العافيه

ولاهنت

وصح لسان حامد زيد


مودتي,,,

[طارق الحافي]

وانت سالم

فعلا قصيد من اروع قصائد الشاعر:

حامد زيــد ,,,

شكراً على نقلك الرائع ,,,

اتمنى ان تقبل مروري ,,,

[ابن مشيب]

ابو مزيد الله يعطيك

العافيه ولاهنت تحيتى

[عطاء بلاحدود]

تسلم يالقناص,,,


انتقاء جميل,,,


واختيار موووفق.,,


قصيدة..تتدردد دائمآ,,,ولها ابيات تجد اغلب الالسنة تعررفها,,


مشكله لا جات حاجتك بيدين البخيل
مايفكك لين تدفع كثر مايدفعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

ومشكله لا ضاق بالوقت رجالً ثقيل
يطلب احبابه وعيا زمانه ينفعه



واصل عطــــــــــائك,,يالغلااا,,



بانتظار جديدك,,

مع حبي,,

[ابن وافي]

والله ان الوقت قاسي وانا ماني ذليل
واشهد ان الرجل مرات ظنه يخدعه



القناص

تسلم علي النقل المميز يالغالي



ابن وافي

[نايف بن مزيد]

يعطيكمـ الــعـافيـه.........

[نايف مطلق بن مصيبيح]

القناص

بيض الله وجهك على النقل والاختيار الجميل

وصح السان الشاعر حامد

تقبل تحياتي