اللغز العجيب

[عبدالرحمن الحمد]

السلام عليكم ورحمه الله وبركاته
هذا لغز احتار فيه كبار الشعار ومحدٍ قدر يحله
وقد طُرح هذا اللغز في اكثر المنتديات ولكن للأسف
لم يستطع أحد أن يتوصل إلى الحل ؟

.
.

يابو مشاري ويش حرٍ بـلا قيـد = يمشي على كيفه بليـا خطامـي
شكله غريب اليا بغى يقطع السيد = يمشي على رجله بليـا عظامـي
طوله قصير وقصر طوله منه فيد = مقيسن طولـه بعرضـه تمامـي
بطنه على ظهره وظهره على حيد = ايسر شـوي ومايلـن للامامـي
عقله يصيد اللي يبي صاحبه صيد = وعينه تشوف ولاتشوف الظلامي
يسمع ويفهم منطق الحقد والكيـد = لكـن طبعـه مايحبـالخصامـي
من خلقته مفطوم مايرضع الديـد = اكله خفيف وماكلـه دوم حامـي
تلقاه فالمطراش مع زيـد وعبيـد = ومع الحضر بالذات ماله مقامـي
هذي وصوفه لاتحرر من القيـد = واذا مسكته بان فيـه الوشامـي
شكله عجيب وكل شغله على حيد = واقع خيال انما ورد في كلامـي

.
.

لـ الشاعر / عبدالله المرشدي
علماً بأن ( أبو مشاري ) هو الشاعر / بدر هديب العتيبي

[عبدالرحمن الحمد]

والله يا الربع محد عارف للغز
لكن عطوني رمعه واسأل الشاعر عبدالله المرشدي
يمكن يفيدنا بشي

[حامد الروقي]

سجل مروري على اللغز


وكان الله اشاء واراد لحله .


تحيه طيبه.

[حامد الروقي]

سلام



اعتقد والعلم عند الله ان الحل هو .




المسحل : يعني المبرد مثل مايسميه البعض

(اللي نحد به السكين )


والعلم عند الله .

تحياتي

[طالب الحور]

وين رحت عبد الرحمن أفدنا الأجابه صحيحة أم لا

وياليت تساعدنا فيها

عجيب فعلاً

لاهنت يالحمد

[عبدالرحمن الحمد]

مالكم لولا
الظاهر أن ذا اللغز ماله حل !
واسف اخوي طالب الحور على التأخر
في الرد

[روح التميز]

وش الحل في النهاية

[الشمالي]

شكله عجيب وكل شغله على حيدواقع خيال انما ورد في كلامـي



صاحب اللغز بين في اخر شطر ان (ليس له حل) وانه من نسج الخيال.

والمعنى في بطن الشاعر


والله اعلم



اخوكم /الشمالي

[عبدالرحمن الحمد]

روح التمير لو نعرف اللحل
كان بطحناه لكن البلا ان عبدالله ماوده يقولنا الحل

[عبدالرحمن الحمد]

الشمالي
حياك الله اخوي
والله قالوا قبل ان ماله حل لكن المرشدي
يقول له حل