مرزوق سعيد الحافي وقصيدة تفاصيل الحقيقة

[ناصر بن سعود]

السلام عليكم ورحمة الله وبركاته

صباح / مساء الخير على الجميع

قصيدة للشاعر / مرزوق سعيد الحافي

بعنوان ( تفاصيل الحقيقه )

.

بـواعـدك فالأحـلام ياصـفـوة الأيــام=عسى لي معك ميعـاد فـي قـادم أيامـي
أبرسم تفاصيـل الحقيقـه علـى الأحـلام=كما يرسم المـاء فالخـلا ناظـر الظامـي
وأبمشي على درب الأمـل مشيـة المقـدام=لو أن الأمل قد مّـل مـن مشيـة أقدامـي
جلست أستعيد الوقت ..عـامً يتابـع عـام=مغمـض وأشـوف أيامـي أتمّـر قدامـي
وشفت العدل والظلـم والصـدق والأوهـام=وعشت إختيار الحلم .. والضيق الألزامـي
تذكرت والذكـرى غشتنـي كمـا الأنسـام=إذا هبـت وميّـل علـى انفاسهـا النامـي
سنيـنً تقشّـع وتعـدي عديـة الأقــدام=ليا ساقها الخايف مـن الموقـف الدامـي
على الخلق مابينت ضيمـي وانـا منضـام=على شان مابالخلق مـن يبـري أسقامـي
على سكـة الأيـام مـروا علـي أقـوااام=وكم واحـدً طامـي وكـم واحـدً سامـي
إذا أشتـدت الدنيـا جفـو معظـم الأرحـام=وجاني من الأقصين مـن يقطـع صيامـي
تصارع فعـول الخيـر فـي لجـة الآثـام=وهذي لها حامـي .. وهـذي لهـا حامـي
وأنا في فمي مويه وفي راسـي إستفهـام=ولافيـه يـوم إلا وتكبـر بـه أوهـامـي
وش أذهب هل المعروف وأستبـدل الأكـرام=" بأهل شفت وش سوا" " وربع ارم يارامي "
هل الحسد واهل الغل واهل اللسـان السـام=تبّـدوا ومفلاهـم علـى الخلـق مترامـي
ولكـن مـدام الخلـق فـي دبـرة العـلام=أبسـلا وامتّـع نفسـي بتـالـي أيـامـي
يدور الزمان وتالـي العمـر قطعـة خـام=ياربي على بابـك ..عسـى تغفـر آثامـي

كل التحايا والتقدير

[احمد الحافي]

صح لسان الشاعر
وسلمت يمينك على
النقل
يابو سعود

[محمد الصقري]

ابو سعود

يعطيك العافيه

[ناصر بن سعود]

احمد الحافي

ياهلا وغلا مليون ولايكفون

مرورك شرف لي يالقرم

لاخلا ولاعدم

كل التحايا والتقدير لك

[ناصر بن سعود]

الله يعافيك يامحمد

اسعدني تواجدك هنا

لاهنت

كل الود والتقدير لك

[خالد بن عايض]

صح لسانه ملايين

ومشكور ياناصر على النقل
يعطيك الف عافيه

[سلطان الحافي]

ابو سعووووووووووووووووووود


لاهنت

والله يبيض وجهك

اتحفتنا بنقل هذه الدره

سلم راسك

وصح لسان ابو سعيد

لين يرضى


مودتي,,,,,,

[ناصر بن سعود]

لاشكر على واجب ياخالد

اسعدني تواجدك هنا

لاهنت

كل التحايا لك

[ناصر بن سعود]

ووجهك ابيض ياسلطان

مرورك شرف لي يالغالي

لا خلا ولاعدم

كل الود والتقدير لك

[احمد الحافي]

هلا بك ولله
انت يابوسعود
الشرف لناء