العلا

[صخر الحافي]

صاح طيرن بالسما والحال من صدحه تصيح=وانثنى بجناح خفاقن ومنه الوقت صاح
طاح من عالي سماه ولاحسبت انه يطيح=كيف طاح وكيف من يبغى مطاحه معه طاح
راح من عقب السفرواصبح نثر بادراج ريح=واندرج فيها وعلَى في معالي الريح راح
ناح من يسلك دروبه ياكثر ناسن تنيح=كان للرمز العلا ومنهو فقده اليوم ناح
شاح في عينه لعالي الجو يومن انه يشيح=شامخن حتى في زهق الروح للافاق شاح
باح سده في زمانن مايظن انه يبيح=وانصدم فيه الزمن واقفى منه خطرن وباح
لاح برقن من عقب سومات لوحن به يليح=لامطر يروي ضماه ولايفيد البرق لاح

[ناصر بن سعود]

ابداع ياصخر

بوح راقي

صح كلك وحرفك ولسانك

الله يعطيك الف عافية

كل الود والتقدير لك

[مسلط العضيله]

قصيده جميله من شخص ساميه معانيه لولي تحفظ على معانيها حتى لو ماعرف قايلها يكفي انه صخر ولد نايف الرجل الاديب المحبوب عند الكل اولهم مطير وسبع القبايل عامه وبناخي الفريس هل الكرم والجبروت بني صخر
صخر اهنيك بخوالك والله الي لك خوال
اما القصيده وبوحك الجميل لي تحفظ

[نايف مطلق بن مصيبيح]

صخر

صح السانك

المعاني ك الصخر الذي لايتغير مع متغيرات الزمان

وطقوسه المتقلبه

عند صخر بن نايف

[صخر الحافي]

	ذيب شعر ابوراكان شاكر مروركم شرف لي حقيقه

[صخر الحافي]

مسلط العضيلة=ماعليك زود طال عمرك الله يحفظك
والقصيدة فيض جعلتها للمتلقي تجربه والمعنى في بطن الشاعر وفي بطن المتلقي=يصورها في خياله بناءا على تجربته فالحياه
شاكر مرورك وهذا شرف لي طال عمرك

[نايف محمدنايف هذال الحافي]

صح لسانك يابونايف

لاهنت على الطرح الطيب

ننتظر جديدك
دمت بود ..

[سلطان الحافي]

الله الله

ياصخررررر


ابداع

صح لسانك

وبيض الله وجهك

لاهنت

مودتي,,,

[صخر الحافي]

	نايف بن محمد سلطان الحافي بارك الله فيكم دمتم بود

[مواطن سعودي]

قصيدة رائعة من شاعر رائع
وأبن شاعر , بس لي طلب عندك
ياليت نرى قريبا قصائد للوالد الله يحفظه
هذا رجاء أتمنى تلبيته , أجمل تحيه..