ياستار اكاديمي ابي منك عدنان

[غرام]

السلام عليكم ورحمة الله وبركاته

المشترك السوري في برنامج ستار اكاديمي عدنان عندما ادعى
انه لديه علاقه مع بنات الكويت
ومن غيرة الشاعر عبد الكريم الجباري الشمري
على بنات بلاده كتب هذه القصيده

ضايق ومستانس ورايق وطفشان
تجمعت بي كلبوها بساعه
ياستار اكاديمي ابي منك عدنان
خله يجي بعلقه من كراعه
اللي يجازي ديرة الطيب جحدان
ندق له خشمه ونلوي ذراعه
ان كان في سلمك محبه وخلان
عندك علاقات وسوالف مياعه
مو عندنا رح دوره ـفي بلودان
تلقى على سلمك ربوع وجماعه
فنان واشهد له مو اي فنان
فنان من راسه حتى نخاعه
الدار ياعدنان مو لعب وغدان
هاذي اللي اغنتك عقب المجاعه
هاذي الكويت ولا مهونه بالاوطان
دار الكرم دار الفخر والشجاعه
دار المحنك ابو ناصر كحيلان
لمثله يقول الشعب سمعن وطاعه
ضايق ومستانس وضايق وزعلان
وبغير الموضوع من عرق قاعه
متصدر حصاني على كل ميدان
وواثق وعندي في قصيدي قناعه
لو قلت لي بيتن بدون اي عنوان
بالسوق يشرى مثل شري البضاعه
ليا من بغيت الشعر ماني ببلشان
لكني اطمع بالفرايد طماعه
تصب لي من غيمه الشعر هتان
مع اول الوسمي وفيضة قاعه
انجح ويطلع لك من الناس عدوان
ومركب نجاحك لاترخي شراعه
قبل استشير فلان وفلان وفلان
واليوم عندي للمشاور مناعه
اخذ بشور عبيد في بعض الاحيان
لو رايه غير راي الجماعه
(اضرب على الكايد ليا صرت بحلان
عند الولي وصل الرشا وانقطاعه
اما تجيب عقود حص ومرجان
والا فهي لابليس طار بشعاعه)
يابنت فلي في قرونك على شان
شعرن خذا رمز الصحيح انطباعه
ضايق ومستانس ورايق وطفشان
وبشنكر اللي غثني من كراعه

[ناصر بن سعود]

الله الله

صح لسان الشاعر

وسلمت ايدك اخت غرام

كل التحايا لك

[سلطان الحافي]

الله الله

صح لسان

عبدالكريم

ابدع بالدفاع عن وطنه

ولا هنتي ياغرام

وياليت تهتمين بتنسيق القصيده

مودتي,,,

[ابن مشيب]

صح لسان الشاعر والله

يعطيك العافيه اختى على النقل

[ابن مجلبه]

صح لساااااان الشاعر عبد الكريم الجباري

حقيقة استمتع كثيــــــــرا بشعره

و بيض الله وجهه على هالقصيدة

و شعب الكويت اكبــر من كلام عدنان ( السفيه )






غرام

الله يعطيكـ العافية

موضوع و قصيدة رائعة



تحيتي

[الذابح]

صح لسان الشاعر عبد الكريم الجباري...


ومشكور غرام على النقل