سدأأأأأأأأأأأأح

[الـــقـــلـــم الـــحـــر]

بسم الله الرحمن الرحيم
السلام عليكم ورحمة الله وبركاته

للأبداع عنوان شاعراً نظم ببساطه واستطاع ان يكوّن له جماهيريه كبيره
وهو خلف القنأع
الشاعر سداح

وهذه مشاركته في منتدى المرقاب
خلف هذال



السلام عليكم ،


شاهدت الشاعر العملاق خلف هذال ليلة البارحه في افتتاح مهرجان الجنادرية الثقافي لهذا العام ، واستوقفت عند أمرين .. كثرت نسيانه للأبيات وشطر ( ليا شال الجمل حمله يقوم الرجل بحموله ) ..

ظهرت هذه المتواضعه عن رجل أحبّه وأفتخر به .

يشعّ النّور والظلمى تلاشى .. والصحيح يقـال=
ومن يكذب بكلمه .. كلمتـه ماهيـب مقبولـه =
لو أنّ الحقّ ما يظهر يعيـش الباطـل البطـال=
على زيف الحقايـق للخلايـق يقـرع طبولـه =
حفظك الله وبسم الله تقـدّم يـا خلـف هـذال=
رعاك اللي عطاك من القصيد سيوف مسلولـه =
على متنك مقصّ .. وفي عيونك هيبة الرجـال=
ولك وقفه لها حتى الملك يآقف علـى طولـه =
تشيل الأوسمه والأوسمه لـولاك مـا تنشـال=
عليك البـزّه اللـي بالفخـر والعـزّ مغزولـه =
طليق حجاج ولسانك فصيح ولا عليـك جـدال=
تهزّ المنبر وصوتـك يهـزّ اللـي توحّـوا لـه =
ثلاث عقود وأنت الشاعر اللي يبـدع الأمثـال=
هوّيتـك القديمـه باقيـه ماهيـب مجهـولـه =
شربت البحر من صغرك .. ولازال البحر لازال=
يقدّم لك على مـا تشتهـي مرجانـه ولولـه =
كلامك من ذهب يا اللي نظمت العقد والسلسـال=
ملاحم والحـروف الأبجديـة معـك مكفولـه =
نردد ما تقولـه حكمـة ٍ تعقـل بهـا الجهـال=
( ليا شال الجمل حمله يقوم الرجل بحمولـه ) =
توصيّنا علـى حـبّ الوطـن وتعلّـم الأجيـال=
فحل شعر .. وتحت كمّه يضفّ الشّعر وفحولـه =
علم ما له من الأعلام في كـل البـلاد أشكـال=
بطل .. يا كم بطل غيره .. بطل فعله ومفعوله ! =
لو الدوله تغيض وتمتلي شعّـار عـال العـال=
يا عال العال كلّ الشّعب يعرف شاعـر الدولـه =
كسبها ما ترجّاهـا مـن التصويـت بالجـوّال=
شهر صيته لو أنّ الناس بالتصويـت مشغولـه =
نحبك والعيون اللـي تراقـب عالـي المنـزال=
تشوفك كوكب ٍ ثابت تدور نجوم مـن حولـه ! =
كبرت وزاد قدرك يا عسى تبقى سنيـن طـوال=
على مرّ الليالـي سيرتـك بالمجـد محفولـه =
لو النسيان خان الذاكره مـا ينقـص المكيـال=
على البدع المباشر خابرينـك تكسـب الجولـه=
نماري بك عسى شمسك ما تغرب يا خلف هذال=

وسلمتوا ،،

[ناصر بن سعود]

الله الله

ابداع

صح لسان الشاعر

وسلمت يمين الناقل

كل التحايا لك يالقلم الحر

[الـــقـــلـــم الـــحـــر]

تشرفت بردك اخوي ناصر

[ابن مشيب]

صح لسان الشاعر وتسلم

يمناك على النقل وتحيتى لك

[الـــقـــلـــم الـــحـــر]

مشكور اخوي ابن مشيب على المرور