هات القلم والخط يافلان وده

[خالدمعيض الوافي]

هــــات القلم والخــــط يافلان وده=لصاحب اللي يشتكي سر وجهار
لابد مــــن رجلـن ضـــرفه تحــــده=ولاكــل مــن تنصـاه يبديلك اعذار
رجلن عـن الطــولات وقته يصـــده=ورجلن ضعيف الناع في كل مقدار
ورجلــن بلــــيا راي ضــيع مقـــده=تلــقاه تــايه بيــن فـاجر وهـــــذار
وان كان حاديـك الزمـــان ومكــده=تلقاني اقربلك مـن الــوالد البــــار
لاتلتفت لهل الحــسد والمـــخـده=اللي عشاهم من مغاريف الاسوار
ايـــاك ويــا واحــدن بـــاح ســـده=نــقالــة النـــمه خبيثين الاشـــوار
اللــي مجالسهم مجيفه مصــده=عــن دار يــارجـــال وافين الاشبار
ان جيتهم حيــوك خــدمه ومــده=وان رحــت قامو يشذبونك بمنشار
الكل منهم ياســم العيب خـــده=يحــرم عليه خــوت النــذل والــفار
لوكان يحداني من الوقت ضـــده=ممشي معه عساه لقصاف الاعمار
اخاوي الطيب على كــل شــده=وقت الرخا يلقاني مع وقت الاعسار
اقــــف مـعه وحــط يـــدي بيده=واشيل همه في ضميري والافكار


من قصائد الشاعر

الـــــــصقار

[الذابح]

صح لسان الصقار...


وشكرآ على مانقلت..يالوافي...


لك كل الود

[نايف بن مزيد]

صــح لســان الشــاعــر............

ولاهنــت على النــقــل...

[ناصر بن سعود]

صح لسان الشاعر

وسلمت يد الناقل

يعطيك الف عافية

كل التحايا لك

[ابن مشيب]

صح لسان الشاعر وتسلم


يمناك على النقل وتحيتى لك

[خالدمعيض الوافي]

الله يعطيكم العافيه
على الردود الجميله
وبيض الله وجيهكم
تقبلو مروري واحترامي

[الرمش الحزين]

صــح لســان الشــاعــر............

ولاهنــت على النــقــل...

[نايف مطلق بن مصيبيح]

خالد

بيض الله وجهك

وصح السان الشاعر الصقار

[خالدمعيض الوافي]

الله يعطيكم العافيه على
المرور الجميل

[شباب الحافي]

صح لسان الشاعر
بيض الله وجهك
ولك تحياتييييييييي