مرسوم الالهام

[بدر الحافي]

مرســوم الالهـــام

من مبتدى وجدي ومرسوم الالهام=وكل الجروح وخافيات النوايا
وسبة شقا روحي وتلويع الايام=وسهر الليالي والعنا من عنايا
ومن منطلق شرع ومواجيب والزام=واحذر بسرك يعلمون البرايا
واحرص تسجلها الصحافة فالاعلام=والا يتسمعها كثير الزرايا
وش موقف الالباب من فكر الاوهام=وش ناتج الذكرى لموت الضحايا
ومغامرات وخطف واكراه واعدام=وعيون من دون المصايب وقايا
دموعها تفجرت مثل الالغام=ورموشها ترسل عليها التحايا
اكبر مصايبها تناهيت واحلام=واصغر مصايبها تقص الحنايا
تواصلت باوجيه وقلوب واجسام=وتفرقت في طيبات السجايا
اقدار والا حظها مابعد قام=ترسل لها الايام بعض الهدايا
ماجات من صدفة ولا جات ب نظام=ولا سيق فيها غاليات المطايا
تحطمت في وصفها كل الاقلام=من وصفها تخجل وصوف وحلايا
معروفها في كل الاوقات هدام=وجميلها حزات يسوا سوايا
عاينتها بالعين لين اشملت شام=تم اجنبت ل أبها وسبت العلايا
تمشي على جنحان وتطير با اقدام=وتشرب على الغرة جميع الركايا
ناجيتها من باب تجليل واكرام=ثم صورتني من جميع الزوايا
قلت اسمعي قالت ليا رحت قدام=قلت افهمي قالت تجدد شقايا
قلت الوعد قالت عن الخاص والعام=قلت اصبري قالت علوم وحكايا
قلت ابشري بندق وثوبين وحزام=هذا عطانا من جزيل العطايا
اعطيك خمس احكام عن تسعة احكام=وارضي ويرضى صاحبي من رضايا
الاولة وش خانتك بين الارقام=ترا الخواطر للمعارف ظمايا
والثانية لهفة مواليه وانسام=وروح ن تعكس النور مثل المرايا
والثالثة مد الهوا مدة الخام=وارم العصا تملا حلوق الحيايا
والرابعة لا تلحق الذنب با اثام=وترا الدعا يمحى كبار الخطايا
والخامسة قافي عن الخامسة صام=يقول موت العقل موت الخلايا

[ناصر بن سعود]

الله الله

صح لسانك واعتلى شانك

جزل جزل يابودباس

الله يعطيك الف عافية

كل الاحترام والتقدير لك

[راكان بن مروي]

عمي بدريعطيك العافيه وشكرن ع القصيده

[شباب الحافي]

صح لسانك
بيض الله جهك

[سلطان الحافي]

الله الله

الله


صح لسااااااااانك

يابدر

وبيض الله وجهك على هذه الابدااااااااع

مبدع مبدع

قصيده جزله

مودتي,,,

[ابن وافي]

الله الله الله

الله


مبدع بكل ماتحمله الكلمه من معني ...


لله درك شاعر ولا تحتاج لشهادتي...



ابن وافي

[نايف بن مزيد]

لله دركــ يــابطــل...........

صـح لسانــكـ واعتــلا شــانــكــ............

[الوااافي]

واحذر بسرك يعلمون البرايا

صح لسانك يالبناخي ويعطيك العافية

[نايف مطلق بن مصيبيح]

صح السانك

ابو دباس

شاعر جزل

هذا مانملك قوله

بيض الله وجهك على هذه القصيدة

[النايفه]

مشاء الله تبارك الله

ابداع في كل ماتعنيه الكلمه

صح السانك