<<قصيدة لسليمان بن شريم اتمنى تعجبكم القصايد اللي انزلها اخوكم<<

[سهم عتيبه]

يامل عينافي محاجيرها شوك
والصدربه عن لذة النوم دكاك
لادك في قلبي من الهم داكوك
جاوبت طربات الحمايم على الراك
عزي لحالك ياعزيز واناابوك
كان الزمان الي وطاني توطاك
تراه ماينفعك خالك ولااخوك
لاصار ماتقضي لزومك بيمناك
وربعك الي بان الخلل فيك عافوك
اقرب قريب لك من الناس يشناك
ان كثر مالك صدقولك وطاعوك
وان قل مابيدك شانت حلاياك
لو تطلب الما عندهم كان ماسقوك
ابعد مزارك عن وطنهم ومرباك
وان طاب حظك قربولك وحبوك
وان باربك محد يبي غير فرقاك
وهراجة المجلس الي جيت وروك
منازل تطرب نظيرك بدنياك
والي قضوامنك اللوازم وخلوك
تفرقواوانت احتمل كل ماجاك
كنك سراج البيت للنور شبوك
والي انقضى اللازم حداالربع طفاك
والي جفوك اهل الوطن وأستخفوك
قلع غريسك منه واهدم ركاياك
ترالو ترجع على الرجل صعلوك
اجسن من الي تلتجي له وياطاك
واصحى لخلان الرخا لو تغالوك
اعرف ترا اطيبهم الى احتجت يجفاك
تصبح خوي مقيط دهووك واغووك
وكل عطاك ارشاك واقفاوخلاك
واحلم على الجاهل ترى الحلم مبروك
وقم للضعيف الي من الضيم ينخاك
( سليمان بن شريم)

[ناصر بن سعود]

صح لسان الشاعر

وسلمت يمينك اخوي كاتم الاحزان

كل التقدير والاحترام لك

[الذابح]

نقل رائع...


وصح الله لسان شاعرها..


والله لايهين ناقلها...

[نايف بن مزيد]

يعطيــكـ العــافيــه........

علــى النقــل.........

[سهم عتيبه]

شكرا لمرورك على موضوعي وهذا شرف لي ووسام على صدري

[سهم عتيبه]

سبحانك اللهم وبحمدك ، أشهد أن لا إله إلا أنت أستغفرك وأتوب إليك