[ اهداء ] مرثية ( شاعر الوطن ) في الملك فهد رحمه الله , ومبايعة الملك عبد الله حفظه الله .

[الذابح]

السلام عليكم ورحمة الله وبركاته

أخواني أعضاء وزوار منتديات قبيلة الحفاه الكرام

أقدم لكم قصيدة شاعر الوطن سعادة اللواء :- خلف بن هذال العتيبي

وهي مرثية في الملك : فهد بن عبد العزيز رحمه الله

ومبايعة لخادم الحرمين الشريفين الملك : عبد الله بن عبد العزيز حفظه الله


اتمنى ان تنال على اعجابكم

الـقـلـب يـحــزن والـدمــوع تـسـيــل=والـعـيـن تـسـهـر والـغـيـاب طـويــل
الفـاجـعـه قـضــت مـفـاجـع جـنـوبـنـا=الــهـــم يـكــبــر والــفـــؤاد عـلــيــل
حـــوادث الـدنـيـا كـفــى الله شـرهــا=يصبـح بـهـا الحـمـل الخفـيـف ثقـيـل
علـم ضحـى الاثنيـن بالحـيـل راعـنـا=روعــة خـلـيـل ٍمـــن فـــراق خـلـيـل
نهارنـا شمسـه خـبـت فــي غيومـهـا=نـصـف الـنـهـار وكـنـهـا فـــي لـيــل
غيـبـة فـهـد عـنـا مـصـاب مصيـبـنـا=عسـى النسـاء عقـب الغريـب تحـيـل
يـــارب ترحـمـنـا وتـلـطـف بـحـالـنـا=مـاعــاد فـيـنـا غـيــر حـيـلـك حــيــل
بالـصـبـر والـسـلـوان يـــارب مـدنــا=واجـعـل لـنـا عـلـى رضـــاك سـبـيـل
تجـبـر عـزانـا فــي ملـكـنـا زعيـمـنـا=عــســاه بـجـنــان الـنـعـيــم نــزيـــل
نذكـر مواقـف مـن ثبـت فـي مواقـفـه=رجـــل الـهــدى للضـايـعـيـن دلــيــل
نـعــد ونـضـيــع حـصـايــل مـنـاقـبـه=ونجـيـب مــن فـيـض الكـثـيـر قـلـيـل
مــآثــره تـبـقــى ونـلــقــا ظـلالــهــا=فـي القيـظ عـن لفـح السـمـوم مقـيـل
رجـل البنـا رجـل الثنـا فــي زعامـتـه=زعــامــه فـيــهــا عــطـــاه جــزيـــل
مـــن ربـــع قـــرن وقـايــد الــعــرب=مرتـكـي للنايـبـات وللحـمـول يـشـيـل
شـيـال حـمـال الـلـي تثـنـت قـوايـمـه=بــارك ومــن مــس الـشــداد هـزيــل
للـواجـبـات مـنـفـذ ٍعـــن ســواعــده=سـيـف عـلـى حـسـم الأمــر صـقـيـل
غيث ٍعلى الممحل غيور ٍعلى الوطن=مـاعـال وان عـــال الخـصـيـم يـعـيـل
مـوت ٍليـا زمـجـر حـيـاه لـيـا ابتـسـم=يــســف بــافـــواه الــعـــداه مـلــيــل
يـوم اعتـداء الغاشـم وحـول بجـارتـه=قــال أنــت يــا هــذا الغـشـيـم هـبـيـل
هي جارتي واقف على الرجـل دونهـا=وانـــا لـهــا بــعــد الـوكـيــل وكــيــل
رد الحـقـوق وصبـهـا فــي مـسـارهـا=فـعـل الأصـيـل مــن الـجـدود أصـيــل
قال انعمي يا كويت بالأمـن واعمـري=وانـــا وراك ومـــن غــــزاك ذلــيــل
ونـادا باهـل لبـنـان والـحـرب دايــره=حــرب جـنـوا مـنـهـا دمـــار وويـــل
جـمــع طوايـفـهـم وحـــدد قــرارهــم=لـلـصـلــح بـالـطـايــف ولادة جــيـــل
وفـي قبـة الصخـرة وللقـدس فزعـتـه=يــوم إخـتـفـاء دون العـمـيـل عـمـيـل
ماغـض عـن محنـة فلسطيـن نـاظـره=يجـمـع لـهـم رجــل الـسـلام حـصـيـل
وفي البوسنه والهرسك أحكم سياسته=عــن خوفـهـا جــاب الأمـــان بـديــل
أمــن محارمـهـا وحـصــن حـدودهــا=لـلـمـعـضـلات الـمـبـهـمـات قــبــيــل
قبيـلـهـا وان كـشــرت لــــه بـنـابـهـا=يضحـك لـهـا ضـحـك الأســد بالحـيـل
ليث ٍمخضـرم مـارس الجـوع والرخـا=مــلــك ولا لــــه فـالـمـلــوك مـثــيــل
عـمـران مـكــة والمـديـنـة شـواهــده=تـفـنــى الـلـيـالـي والـجـلـيـل جـلـيــل
وبطبـاعـة المصـحـف كـبـار وهايـبـه=يـمـنــى كــريــم ولا يـمـيــن بـخـيــل
ورد لنـا الـمـاء صـافـي مــن منابـعـه=عـذب ٍمثـل نـقـع الصـفـا مــن سـيـل
كــان الـعـلـم للـعـلـم هـــذي معـالـمـه=حــــراب نــــوم ولـلـعـلـوم صـمـيــل
أنشاء المـدارس والفهـارس فراستـه=فــارس زمــان ومــن خـيـار رعـيــل
يالله ياسـامـع دعـــا رافـــع الـدعــاء=تـفــرش تـرابــه زعـفــران وهــيــل
يسقـيـه مـــن نـــو الـثـريـا همـايـلـه=وينـبـت علـيـه مــن الـزهـور اكلـيـل
ترحـم فـهـد وتعـوضـه عــن جمايـلـه=وتـــرد لاصـحــاب الجـمـيـل جـمـيــل
تــرك غـثـا الدنـيـا وفــارق همومـهـا=وخــلا مــن أغــلا المتـرفـات حـلـيـل
للعـز يــا الـلـي عضتـنـا فــي فقيـدنـا=يالـلـي لـــك الـتـاريـخ يـصـنـع قـيــل
أنـت الـعـزا يــا عـزنـا فــي عزيـزنـا=تـحـيـا لـنــا يـالـلـي لاخـــوك زمـيــل
زاملـت أخـوك بسيرتـه فـي مسيرتـه=مـسـيـرة ٍعـنـهـا الـضـعـيـف يـمـيــل
أنبـايـعـك ونــجــدد الـبـيــع والــــولا=بـيـعــة رجــــال ولـلـعـهــود كـفــيــل
كفيـلـنـا الله يـــوم نـعـطـي عـهـودنـا=لــــك يـابـطــل يـاشـهــم يـاحـلـحـيـل
والبيـع مـاهـو بيـعـة البـيـع والـشـرا=بيـعـة مـلــك مـاهــو بـــوزن وكـيــل
نعم السلـف نعـم الخلـف عـن سليفنـا=واصـــل وطـبــق مـحـكــم الـتـنـزيـل
حنـا وراك نـواصـل السـيـر والـسـرا=يقـديـك شـمــال وبالـجـنـوب سـهـيـل
قايـد ومـن قدتـه علـى الخيـر خيرتـه=يــارد عـلــى خـيــرك مـــوارد نـيــل
فـيــك الأخـــوه والـمــروه طبـيـعـتـك=واصــل الطبيـعـة مــن طـبـوع نبـيـل
سلـيـل مـجـد مسلـسـل مــن سلالـتـه=هــذا العـظـيـم مـــن الـعـظـام سـلـيـل
راي لـيـا دبــر شـجـاع لـيــا اعـتــزا=صــــارم يــبـــرد لـلـكـبــود غـلــيــل
حــزم إلـيـا صـمـم عــزوم إلـيـا نــوا=مــــن لاذبــــه يــرقــد وراه دخــيــل
عـدل ٍإليـا حاكـم عـطـوف ٍإلـيـا عـفـا=ظـلــه لـيــا انـكــف الـظــلال ظـلـيــل
ومبـايـعـة سـلـطـان للـعـهـد واجــبــه=ولـــــي عــهـــد ولـلـنـظــام كـمــيــل
سلـطـان خـيـر وضـايـفـات شمـايـلـه=مضـفـي عـلـى سـتـر الـديـار شـلـيـل
عضـيـد عـبـدالله لـيـا هـاجـت الـعــدا=أصـهـل ونـعـرات الحـصـان صـهـيـل
بـرعـايـة الله ثـابــروا فـــي كيـانـكـم=يـا ذخـر مـن يخـلـي ســروج الخـيـل
نعـم الموحـد مـا سـهـا عــن رعيـتـه=يـهـذل عـلـى خـيــل الـفــلاح هـذيــل
يـارايـة التوحـيـد عيـشـي ورفـرفــي=الأصـــل ثـابــت والــفــروع نـخـيــل
هـذا وانـا لـلأرض والشـعـب منتـمـي=ورثــي ومــن ذاك الفصـيـل فـصـيـل
فصايـل قامـت علـى الديـن والشـرف= ســـرج ٍلـحـومــات الــظــلام تــزيــل
قـامـت شريعتـهـا وســادت شعوبـهـا=رغــم عـلـى أهــل الكـيـد والتضلـيـل

[ناصر بن سعود]

الله يرحم الملك فهد ويطول بعمر الملك عبدالله

وصح لسان شاعر الوطن

وسلمت يمينك اخوي الذابح

يعطيك الف عافية

كل التقدير والاحترام لك

[ابن مجلبه]

الله يرحمك يا بو فيصل و يخلينا ابو متعب و ابو خالد

صح لسانكـ يا بو هذال

الذابح

سلمت يمينكـ على ما قدمت

و بيض الله وجهكـ

تحيتي و تقديري لكـ

[شباب الحافي]

صح لسان ابوهذال
بيض الله وجهك اخوي الذابح
ولك تحياتييييييييييييييي

[ابن وافي]

الذابح




الله يرحم أموات المسلمين ...








تقبل مروري











ابن وافي

[ابن مشيب]

الله يرحم الملك فهد ويطول فى عمر ابو متعب


ويطول فى عمر ابو هذال وصح لسانه وتسلم


يمناك على النقل ودمت بالف عافيه وتحيتى لك

[الذابح]

المشاركة الأصلية كتبت بواسطة ناصر بن سعود

الله يرحم الملك فهد ويطول بعمر الملك عبدالله

وصح لسان شاعر الوطن

وسلمت يمينك اخوي الذابح

يعطيك الف عافية

كل التقدير والاحترام لك

ابو سعود بيض الله وجهك..

وشاكر لك جهودك..

وشكرآ على المرور..

[الذابح]

المشاركة الأصلية كتبت بواسطة ابن مجلبه

الله يرحمك يا بو فيصل و يخلينا ابو متعب و ابو خالد

صح لسانكـ يا بو هذال

الذابح

سلمت يمينكـ على ما قدمت

و بيض الله وجهكـ

تحيتي و تقديري لكـ

الهم امين..


شكرآ على المرور الغالي...

[الذابح]

المشاركة الأصلية كتبت بواسطة السكب 911

صح لسان ابوهذال
بيض الله وجهك اخوي رائد
ولك تحياتييييييييييييييي

مشكور يالغالي على المرور...

[الــحــافــيــ]

الله يعطيك عافيه