قصيدة ( شاعر الوطن ) سلام وتحيه يالديره الحيه .

[الذابح]

أعضاء وزوار منتدى قبيلة الحفاه الكرام

نعرض لكم قصيدة ( شاعر الوطن ) سعادة اللواء :- خلف بن هذال العتيبي

سلام وتحيه يالديره الحيه

سلام وتحيه يالديره الحيه=ياللي قضينا بها ايام الاعيادي
خضر ضواحيها والرب حاليها=ماكفها الضلع والعرق والوادي
العلم مبداها والرب يرعاها=مصيونة العرض من عصر الاجدادي
فيها حبيب لي بالود صاف لي=أنا مراده وهو غاية مرادي
عمري مشاركني بالعطف مالكني=فيض وقيس بعد حل بفوادي
غصبن لك المنه ياحوري الجنه=قم حط في رجلي عقال وقيادي
النوم حاربني والسهر صاحبني=دمعي على خدي أجواز وأفرادي
كفي على كفي مجروح ومخفي=أخاف من هرج عاذل وحسادي
هذي سنة هجري والأعيان تجري=والفكر في وسط بحر الهواءغادي
ليلي مضى كله وانا بطار اله=سيرة حبيبي تغلق وتنعادي
يامعطي الحسنا حرقت محامسنا=ينقص على أهل الهوى بن وقنادي
شفقن على الغايب قلبي منه ذايب=ذوب الحديد أن تولاه حدادي
وجعان من حبه وأرجي شفا طبه=والحب معروف من عصر شدادي
لو صاحبي يدري عني ماحوى صدري=من هم وحزون وغبون واجهادي
ماكان يشقيني البعد يكفيني=القلب مليان ماعاد يزدادي
لوزاد يتكسرجذعه ويتخسر=والشمل ما فرقه غيرالابعادي

[راكان بن مروي]

تسلم لاكن غير اللون

[نايف بن مزيد]

الــذابـح.........

يعطيــكـ العــافيــه.......

[سهم عتيبه]

أألذابح يسلمو علا القصيدة الرائعة

[ناصر بن سعود]

صح لسان شاعر الوطن خلف بن هذال

وسلمت يمينك اخوي الذابح

يعطيك الف عافية

ولاهنت

كل التقدير والاحترام

[الذابح]

المشاركة الأصلية كتبت بواسطة راكان بن مروي

تسلم لاكن غير اللون

لجل عين تكرم مدينه..


الشكر لاخوي ناصر بن سعود على تنسيق النص...


والشكر لك على المرور...

[شباب الحافي]

خوي / الذابح
الله يعطيك العافية
بيض الله وجه ابوهذال

[ابن مشيب]

صح لسان ابو هذال

والله يعطيك العافيه

[hafi511]

صح لسان الشاعر..خلف

لاهنت..على النقل

تقبل مرروي

[ابن مجلبه]

صح لسان شاعر الوطن


الذابح

بيض الله و جهكـ


شكر لكـ عل ماقدمت


تحيتي و تقديري لقلمكـ الذهبي